立鮨 (安富大廈) (已結業)

同朋友一齊嚟食，因為佢話此店的性價比高，選擇多元化，亦有廚師發辦，做得廚師發辦，水準一定有返咁上下。座位唔太多，大約12位左右，所以都經常要等位，位置設計上同廚師發辦一樣，基本上每個客人都可以由廚師位置直接上食物及講解食物。今次無叫廚師發辦，而由自己發辦，可以揀多啲自己鍾意食嘅食物。叫了一個海之盛合（北寄貝、北海道帶子刺身、甜蝦，象拔蚌）$158，每款都好新鮮，尤其象拔蚌特別鮮甜。自選5款魚生飯（珍寶赤蝦、油甘魚、劍魚腩、北海道帶子及碎蔥吞拿魚腩）$128，性價比高，尤其我鍾意食嘅油甘魚及劍魚腩，脂肪比例均勻，令魚更滑口。另一超值係迷你魚子海膽杯$48，海膽到好肥美而份量亦算多。推介係白子，唔係太多地方有得食，通常都係比較高級嘅食肆才有，而佢哋只收$58，當然白子脂肪及膽固醇都高，淺嘗最好。再另外加咗嗰啲壽司（原隻活赤貝、賴尿蝦配蟹膏櫻花蝦、松葉蟹肉海膽、鮫鰈魚邊），我最欣賞鮫鰈魚邊，脂肪感高，識落有啲似和牛，入口即溶。