棽粵 (裝修中)

今次去咗銅鑼灣飲茶，餐廳裝潢走高格調路線，設有露台户外座位，可以飽覽維港景色，仲有米芝蓮星級大廚坐陣，質素一定有所保證，簡直係非一般嘅飲茶體驗。中午點心套餐菜苗帶子餃菜苗帶子餃皮薄餡靚，用了原粒帶子，夠曬真材實料，裡面以鮮蝦同菜苗做餡料，上面還加上了蟹籽作點綴，賣相吸引。蟹皇蒸燒賣燒賣都幾大粒，餡料有豬肉同鮮蝦，夠曬份量十足。百花釀魚肚魚肚釀上蝦膠，食落爽口彈牙，魚肚吸收曬湯汁嘅鮮味，口感軟綿。韭黃鮮蝦腸腸粉皮好薄，口感順滑，鮮蝦超大隻，入口新鮮爽彈。海鮮酥海鮮酥焗到熱辣辣，酥皮相當鬆化，內裡真材實料，有蟹肉絲、帶子同蝦，餡料非常吸引，好有驚喜。上海煎粉果粉果炸到卜卜脆，附上上湯一碗，可以略為浸一浸再食，可以減去油膩感之餘，又無咁熱氣。黑松露蛋白炒飯蛋白炒飯配上菜粒，清新可口，米飯炒得粒粒分明，再加上了黑松露嘅香氣，提升了味道層次，不禁一口接一口。清香竹葉角 及 新疆紅棗糕竹葉角有啲似茶果，糯米皮好煙韌，包住了紅豆泥，味道甜而不膩，茶果以竹葉包住黎蒸，散發出淡淡竹葉清香。紅棗糕滿滿棗香，口感軟綿煙韌。