影片
更多
2023-09-24
1072 瀏覽
高質正宗韓式燒肉🔥！Bookmark咗呢間燒肉好耐終於試到🤤由韓國人主理，眼見店員全部都係韓國人，環境都好有氣氛一入座店員會送上韓式前菜小碟、生菜同調味料我地嗌咗一牛一豬套餐，兩款肉各有特色，同樣高質上枱時已預先煮成半熟，店員再逐一幫手燒香，坐定定等食就得🤪-👍🏻烤豬肉套餐 (五花肉、豬頸肉、豬排) $580/700g五花肉同豬頸肉一齊切粒炒香，燒到焦脆，豬肉味香濃，但肉質稍為結實啲豬排本身已經醃製好，甜甜地好夠味，切成條狀，每舊都連住脂肪，肉質較軟嫩，爽彈爆油，極重油脂香😈不過食幾舊已經有啲膩，建議包生菜蔥蒜食同埋叫埋大班朋友share味道：9/10性價比：8/10-👍🏻烤牛排骨套餐 (烤牛排骨、牛五花肉) $730/700g店員將牛骨旁邊嘅肉剪出嚟切粒燒烤，近骨位嘅肉牛味非常濃郁火候控制得好好，表面煎到微燶，裏面keep住粉嫩多汁好juicy🤤牛肉連住少量脂肪，軟嫩唔韌，肉味同油香balance，真心超正🥹！牛五花肉同豬扒一樣已經調味好，沾滿香甜醬汁，相對油脂香明顯啲雖然豬都好好食，但兩者相比，我地就鍾意牛多啲味道：9/10性價比：8/10-👍🏻黃油炒飯 $68推薦必嗌！嚟到食燒肉
由韓國人主理，眼見店員全部都係韓國人，環境都好有氣氛
一入座店員會送上韓式前菜小碟、生菜同調味料
我地嗌咗一牛一豬套餐，兩款肉各有特色，同樣高質
上枱時已預先煮成半熟，店員再逐一幫手燒香，坐定定等食就得🤪
-👍🏻烤豬肉套餐 (五花肉、豬頸肉、豬排) $580/700g
五花肉同豬頸肉一齊切粒炒香，燒到焦脆，豬肉味香濃，但肉質稍為結實啲
豬排本身已經醃製好，甜甜地好夠味，切成條狀，每舊都連住脂肪，肉質較軟嫩，爽彈爆油，極重油脂香😈
不過食幾舊已經有啲膩，建議包生菜蔥蒜食同埋叫埋大班朋友share
味道：9/10
性價比：8/10
-👍🏻烤牛排骨套餐 (烤牛排骨、牛五花肉) $730/700g
店員將牛骨旁邊嘅肉剪出嚟切粒燒烤，近骨位嘅肉牛味非常濃郁
火候控制得好好，表面煎到微燶，裏面keep住粉嫩多汁好juicy🤤
牛肉連住少量脂肪，軟嫩唔韌，肉味同油香balance，真心超正🥹！
牛五花肉同豬扒一樣已經調味好，沾滿香甜醬汁，相對油脂香明顯啲
雖然豬都好好食，但兩者相比，我地就鍾意牛多啲
味道：9/10
性價比：8/10
-👍🏻黃油炒飯 $68
推薦必嗌！嚟到食燒肉記得嗌呢個炒飯
食完主食店員會幫手炒埋，仲會砌成心形🤣
泡菜味同紫菜味突出，辣辣地，有陣陣芝士鹹香
飯粒黏口軟綿，少少芝士拉絲，有飯焦，仲有啲粟米粒中和一下
用牛油同燒肉油脂炒飯真係好難唔好食，好邪惡食完好有罪惡感，但真係忍唔到口👹
勁大份都係$68，夠晒3-4人食，好抵食！
味道：9/10
性價比：9/10
-👍🏻雞蛋卷 $88
睇落平平無奇，一食好有驚喜！可以話係我地係香港食過嘅韓國菜入面最好食嘅蛋卷
厚身大嚿，中間有少少半溶芝士，咬落濕潤有汁，蛋香濃郁好嫩
芝士味唔會太搶，反而散發陣陣洋蔥香味
咁大份但價錢比起好多韓國餐廳都平一截，好多過百蚊都唔及呢個好食
味道：10/10
性價比：9/10
-👍🏻火雞麵 $88
同平時超市買到個隻辣雞撈麵唔同，麵條炒過更彈牙，醬汁炒到乾身
味道都唔同，先甜後辣，辣勁慢慢滲出，但冇辣雞撈麵咁死辣，辣度降低咗，反而多咗種香味
雞肉肉質正常，調味唔錯，醃過有淡淡胡椒味
平時熱愛食辣雞麵嘅朋友表示呢個超級正，差啲俾佢秒殺
味道：8/10
性價比：8/10
-雖然肉類價錢較貴，但質素係返到，食得出係高質靚韓牛
而且全程有店員幫手燒，坐定定等食就得，火喉都控制得好好
side dish價錢好有驚喜，大大份但竟然完全唔貴，仲要係好食唔頹
環境氣氛方面都好有韓國燒肉店嘅感覺，轉眼間飛咗一轉韓國咁
雖然價錢唔平，但整體質素真心正，啱晒搵多幾個朋友一齊食，值得回訪
-📍#田浦食肉 #전포식육 @jeonpo_meatshop
北角和富道6-8號嘉洋大廈地舖
大角咀角祥街65-67號大同新邨大華樓地下2B&C號舖
灣仔莊士敦道28-34號莊士頓大樓地下E號舖
中環威靈頓街56-58號威寧大廈地舖
張貼
