更多
2025-02-24
112 瀏覽
餐廳以熊仔作裝飾,簡潔得嚟好有設計感,我哋坐左係落地玻璃窗既卡位,坐得舒服又可以望吓景!烤加拿大豬鞍配蜜糖芥末汁擺碟好靚,望住都覺得好好食,塊豬鞍好厚,煎得啱啱好,切落去啲肉汁已經流出嚟,好juicy !夏威夷薄餅呢個夏威夷pizza好有芝士味,而且仲拉絲,食落感覺好足料,個pizza底係薄果隻,食落好脆👍小食拼盤三式醬(雞翼、薯條&墨西哥脆片個小食拼盤比想像中大份,雞翼炸得好惹味,薯條份量好多,墨西哥脆片點埋個牛油果醬好夾,好清新既感覺,好味!呢間餐廳啲嘢食全部即叫即整,熱辣辣,全部都好好味,下次又嚟試下其他嘢食先!
張貼