影片
更多
2019-03-20
39 瀏覽
同朋友慶祝生日，佢一直係個火鍋控，每個星期都聽到佢話打邊爐。呢日就約咗佢去尖沙咀嘅禾牛薈，食佢最鍾意嘅打邊爐同佢慶祝生日😂由於我哋book咗位，一上到去就可以入座，餐廳位於尖沙咀鬧市，尖沙咀站行過去5分鐘都唔使，好方便。餐廳燈光光猛，環境清潔乾淨，座位空間闊落。我哋坐嘅卡位，除咗可以望街景，仲有個獨立嘅電視機可以邊睇邊食，而且梳化椅背夠高，有足夠獨立嘅空間，坐得舒服，傾得暢快。⭐️茶介醬料 HKD25/位醬料選擇多，而且醬料盤清潔乾淨，有芫荽，蔥花，辣椒，香蒜，炸蒜，麻醬，麻油，沙茶醬同XO醬。⭐️鹹菜胡椒豬肚湯 HKD108天氣仲有少少涼，叫個鹹菜胡椒豬肚湯，打邊爐前飲返幾碗湯暖暖身，湯底味道好濃，鹹酸菜份量適中，湯底唔會過鹹，同時帶出豬肚嘅鮮味，豬肚處理乾淨，唔會有騷味，而且爽口彈牙，識食一定係食枝竹，枝竹簡直係精華嘅所在，吸收晒成個湯底嘅味道。⭐️老友鬼鬼 HKD68油炸鬼加蝦膠，可以當係餐前小食，亦都可以浸湯食。上枱時熱辣辣，油炸鬼炸得乾身脆口，蝦膠爽口彈牙，而且仲食到粒粒蝦肉增強口感。⭐️豬嘜午餐肉(脆炸) HKD58午餐肉炸得外皮金黃香脆，裏面保持粉色嫩口，外脆內嫩好好味🤤⭐️炸魚皮
由於我哋book咗位，一上到去就可以入座，餐廳位於尖沙咀鬧市，尖沙咀站行過去5分鐘都唔使，好方便。
餐廳燈光光猛，環境清潔乾淨，座位空間闊落。
我哋坐嘅卡位，除咗可以望街景，仲有個獨立嘅電視機可以邊睇邊食，而且梳化椅背夠高，有足夠獨立嘅空間，坐得舒服，傾得暢快。
⭐️茶介醬料 HKD25/位
醬料選擇多，而且醬料盤清潔乾淨，有芫荽，蔥花，辣椒，香蒜，炸蒜，麻醬，麻油，沙茶醬同XO醬。
⭐️鹹菜胡椒豬肚湯 HKD108
天氣仲有少少涼，叫個鹹菜胡椒豬肚湯，打邊爐前飲返幾碗湯暖暖身，湯底味道好濃，鹹酸菜份量適中，湯底唔會過鹹，同時帶出豬肚嘅鮮味，豬肚處理乾淨，唔會有騷味，而且爽口彈牙，識食一定係食枝竹，枝竹簡直係精華嘅所在，吸收晒成個湯底嘅味道。
⭐️老友鬼鬼 HKD68
油炸鬼加蝦膠，可以當係餐前小食，亦都可以浸湯食。上枱時熱辣辣，油炸鬼炸得乾身脆口，蝦膠爽口彈牙，而且仲食到粒粒蝦肉增強口感。
⭐️豬嘜午餐肉(脆炸) HKD58
午餐肉炸得外皮金黃香脆，裏面保持粉色嫩口，外脆內嫩好好味🤤
⭐️炸魚皮 HKD48
炸魚皮食落脆卜卜，就算浸咗湯都依然脆口，炸得唔錯👍🏻
⭐️特級手切肥牛(大) HKD268
呢碟肥牛好高質，必食推介👍🏻
牛脂分布平均，望落色澤新鮮帶亮澤，雪花呈現大理石狀，賣相十分誘人😍
靚牛黃金3秒灼幾灼就食得，入口肉質嫩滑，牛脂食落甘香，肉味濃郁。
⭐️稻庭烏冬 HKD48一般普通烏冬帶有酸味，稻庭烏冬就唔會出現呢個情況，質感煙煙韌韌，入口又滑又順喉，仲細心地附上個火鍋神器方便淥。
好滿足嘅一餐😍
順帶一提，呢度有QR code落單，方便快捷，仲啱晒最鍾意睇相落單嘅我😂
張貼
