Flames (海灣街)

營業中

休息中

半年前已經試過佢觀塘嗰個分店, 覺得食物唔錯水準高。今次再來試佢鰂魚涌分店, 不過發覺原來餐單同觀塘分店有少少唔同而且環境係全露天茶座形式, 但仍然有佢嘅皇牌燒雞。 睇到廚師真係擺上爐上面燒, 同觀塘用焗爐有少少唔同。值得一提嘅係佢嘅環境係露天餐廳, 燈光少少暗, 黃昏前去有氣氛。今次燒雞點可以唔試, 所以點咗全隻葡式香辣燒雞加黑松露薯條, 雞肉Caesar 沙律同埋忌廉蕃茄汁蝦球意粉同生啤酒。食物味道認真唔錯同觀塘分店一樣水準高, 香辣燒雞肉質好嫩配墨西哥辣醬味道非常好。蝦球意粉份量足蝦大隻爽口, 忌廉蕃茄汁好配而且意粉軟硬度剛好。稍為遜色應該係雞肉Caesar沙律不過份量亦足雞胸肉多, 薯條亦係唔錯灑滿黑松露。服務方便亦好好係一個nice既講英文男服務生, 同觀塘分店一樣主要係講英文嘅服務生, 可能係想塑造西餐廳嘅feel。大家如果鍾意露天茶座feel嘅鰂魚涌分店亦唔錯, 不過如果喺炎熱夏天就可能會有少少熱。