更多
2020-03-13
91 瀏覽
今日同朋友聚會,去咗大角咀食雞試下個雞煲,我哋揀咗麻辣雞煲但係選擇咗微辣,決定咗之後個雞煲10分鐘就上枱,入面有原隻雞而且超多香料,有生薑、大蒜、蒜頭、芫茜、 洋蔥及八角等等嘅香料。我哋先食曬隻雞然後再去自助區揀蔬菜、豆腐、菇類等食物。另外值得一提就係自助 雪櫃入面有超多飲品選擇,而且另加30蚊就可以要埋啤酒任飲,食完個超好味而分量大嘅雞煲之後,跟住就上個火鍋拼盤,入面有西班牙黑毛豬梅肉、安格斯雪花肥牛、韓國珍寶蟹柳、魚皮餃、極級丸類六天王、鬼馬扎肉片、金菇菜、白蘿蔔同埋炸魚皮,西班牙黑毛豬同埋安格斯雪花肥牛唔使多講,又係肉味濃肉質嫩,韓國珍寶蟹柳超長,之前真係未食過,鮮味亦十足,極級丸類六天皇即係炸魚蛋、貢丸、牛丸、魚片頭、墨魚丸、潮州魚蛋。 好味! 但本人最喜歡嘅都係個炸魚皮 浸落湯底兩至三秒間攞返嚟食超正 比起其他出麵食嘅少啲油同埋個魚皮比較脆。正! 下次有機會去食雞煲我一定會再嚟呢間食。
張貼