食雞

體驗極差，雞煲等45分鐘,串燒兩個鐘先燒到4串，有眼睇其他客人上菜速度都一樣，唔明做唔到咁多點解要開咁多張台，串燒真係要燒咁耐咩，叫左蠔等左2個鐘都未到，放題原來串燒任食，係食到成肚氣…查看更多

難得搵到一間沒有時間限制的雞煲，於是一試，試過才知什麼一回事所謂任食，其實是'任叫'而已，叫得很開心，然後催得很費心。抽氣十分差，煙霧彌漫，食到個人眼濕濕。等到天荒地老串燒終於來了（少部分），然後部分串燒突然連續來三次，明顯好混亂。有些很想食的串燒點了最後也沒有來，很多時全場一個侍應都找不到，全部一起消失，很奇怪⋯⋯坦白講雞煲的雞味道不錯，雞肉質不錯；至於串燒，大部份串燒味道都很一般，肉類燒得太乾了。似乎雞煲拼打邊爐可能會好一些，起碼上食物的時間有機會快一點。不值得再來…查看更多

7點半入座，到9點都係食得兩輪雞煲。聲稱10分鐘就有一輪，實際上係半個鐘都無一輪。12點收工，9點未到已經無曬菜，炸雲吞又賣曬，咩都無。火鍋食品食曬都無，痴線舖頭。完全唔夠人做又開咁多張台，仲298一位+1。極度不建議😖😖😖老實講，d雞係唔錯嘅，但係半個鐘先一煲係咩事，應承10分鐘出到，實際上就超過半個鐘。又唔俾人提前嗌定嘢，唔知想點，怪唔知無限時間任食啦，六點食到12點應該都食到兩三煲嘅😖😖😖…查看更多

食雞 winner winner chicken dinner 店鋪好似漆黑中既螢火蟲鋪面banner黑超雞一隻非常去到店內店員好友善好客介紹欣勤 突開始轉涼既天氣正適合黎一場火鍋邊爐放題店內主推七款不同口味雞煲 睇落每一款都幾吸引 有椰香雞煲 泰式雞煲 養生正氣雞煲 睇落都各有風味 最後起店員推介下選擇左招牌雞煲 黎到都幾多雞件下 啖啖肉 食落味道都幾惹味 食完一鍋後因為都幾多雞肉下 我地就開始左打邊爐 有基本既火鍋配料可以選擇 有牛豬肉片 叫左個日式關西湯底 同一啲安格斯牛肩胛片同埋黑毛豬梅肉 都幾有肉味濃厚 質素正路 配搭埋一啲豆腐 蔬菜烏冬 同丸類當中幾欣賞佢有個超長既蟹柳 …查看更多

最近聽好多朋友介紹呢間雞煲火鍋，話入面好多嘢食，而且雞煲份量好多好高質，咁一於今日約埋幾個朋友嚟試吓啦。一去到已經見到好多客人，所以佢呢度應該要book位㗎。因為鍾意食辣，所以就叫咗個辣嘅雞煲，估唔到小辣已經好香，不過食落唔會太辣，大人小朋友都食得。呢度嘅雞真係非常出色，佢嘅雞肉好嫩滑，就算煮好耐好入味，都唔會太老，應該係新鮮雞。食完雞煲之後，佢仲可以加湯打邊爐，雖然食完雞煲已經好飽，但係我哋都試咗少少佢嘅火鍋材料。另外呢度仲有好多唔同類型嘅炸物，款式仲多過放題，我自己就認為佢嘅炸雞翼非常高質，炸到外脆內嫩，小朋友都爭住食。呢間餐廳嘅雞真係非常高質，無論係雞煲定係炸雞都嫩滑過出面嗰度好多，唔怪得呢間餐廳叫食雞啦。呢度嘅飲品係自助形式，而且加$10仲有啤酒任飲，我見到仲有好多蘋果酒同埋比較高質嘅啤酒，不過今日因為要揸車同照顧小朋友所以就冇飲啦呢間餐廳又平又抵食，唔怪得咁多人介紹啦。…查看更多

奧運站附近有間食雞煲嘅舖頭，朋友介紹過嚟，話服務好又抵食，今日試咗冇失望！我哋兩個叫咗VIP套餐，有七種雞煲可以選擇，仲有三種湯底食完雞煲之後就可以打邊爐～ 呢個套餐仲可以上面有個架可以燒肉好得意😂個店員勁鍾意傾偈，非常友善，同埋佢教我哋上面個盤可以做Pepper Lunch😂不過因為打邊爐同食雞煲已經好豐富，所以就冇試。雞煲啲雞肉好入味同滑，煮得啱啱好好食😋呢度仲有啲餐前小食係炸丸類同埋炸燒賣等等，全部都好酥脆好味，如果驚食唔晒嘅話仲可以備注要少啲，啲丸都唔係頹貨，全部都係台灣丸或者係潮洲牛丸咁，正👍🏻湯底我哋要咗個清淡啲嘅豬骨湯，食返啲蔬菜中和一下🤣🤣環境好闊落叫埋一大班朋友都OK，呢間有下次，我會再幫襯☺️…查看更多

天氣轉涼，同男友食雞煲兼打邊爐暖下個身，上網search見呢間個名幾搞嘢，環境又幾寬敞明亮，唔使同人迫，就bk左晚飯！追求養生嘅我哋，當然揀正氣養生雞煲，每位$298，仲可以任食安格斯牛肩肉、火鍋配料、酒精飲品同甜品正氣養生雞煲加左紅棗、洋蔥、蓮藕、冬菇、生薑做配料，夠哂滋補！至於啲雞都幾嫩滑，啖啖肉，好惹味！之後轉火鍋，我哋揀咗番茄粟米豬骨湯底，都幾新鮮清甜！我哋即刻落左超長蟹柳同啲丸落去安格斯牛肩胛片，肉質柔軟又有彈性黑毛豬梅肉，肉質腍軟，肉味濃厚烚下菜都幾好嘢飲都幾多選擇，男友都攞左罐檸檬可樂，黃色包裝少啲見醬料枱都幾乾淨企理，五臟俱全…查看更多

去之前見咁多人話態度差，都有特登留意下，一去到就有哥仔黎介紹menu兩個價錢包d咩，都清晰既之後落左個“泰式冬陰功雞煲”，好冬陰不過最好可以再辣多少少跟住到試“懺悔悔酸菜雞煲” 夠酸最好可以再分辣度食完兩個雞煲都飽，職員清枱都清得好快，間唔中都會走過黎吹兩句水，唔覺有黑面情況無限時任飲任食最後食到閂門先走，值得再試…查看更多

鄰近太子地鐵站, 餐廳光猛闊落, 冷氣十分充足, 超高質抵食火鍋放題, 店員仲好有禮貌，性價比高, 值得推介.任飲任食無限時放題, 基本休閒每位$228.0或星級VIP 每位$298.0, 小童/長者優惠都是每位$158.0識食一定係食星級VIP, 仲可以叫燒肉邊爐二合一, 同時打邊爐又可以食埋燒肉,一次過滿足晒兩個願望, 同埋安格斯牛肩肉任食, 啤酒任飲, 真係大癲有7種唔同口味的雞煲任君選擇, 養生, 冬陰公, 酸菜, 椰香, 沙嗲, 芝士及招牌雞煲, 個個都好想試, 真係唔知點選擇, 店員見到我地咁難選擇, 主動細心講解, 原來可以食完一煲再叫另一煲, 由淡至濃味咁食都得, 每煲會用原隻芝麻雞, 香滑肉肉嫩, 十分足料. 食夠雞就可以叫店員加入新鮮豬骨濃湯, 開始打邊爐. 所有炸物即叫即炸, 炸雲吞, 炸午餐肉, 炸魚皮等, 炸魚皮入口超鬆化不死實，超正, 佐酒一流. 安格斯牛肩肉, 油脂豐富, 肉味豐富，肉汁帶甜, 黑毛豬一層肥一層瘦，層次分明，咬落軟淋好juicy 及味道濃鬱.所有食物都好新鮮，啤酒任飲唔係比D cheap 啤酒我地飲的, 超驚喜, 竟然係北海道的Sapporo啤酒, 真係十分有誠意, 多款甜品供應, 仲有韓國直送的鯛魚燒及蜜瓜雪條，今餐值得比100分…查看更多

前排小編去咗食咗一間隱世嘅雞煲，小店由旺角行去都有少少距離，不過呢都冇阻住我哋去決心🤣一個價錢仲有就包咗任食雞煲，仲要又唔同口味㖭啊，有啲口味仲要係出面都食唔到㗎，而且店舖用嘅食材都相當高質，食完雞煲之後仲可以打邊爐+ 燒烤，小編都係第一次可以咁樣食法未打邊爐之前，我哋就叫咗啲小食食，炸魚皮炸雲吞，熱辣辣即時炸出嚟，魚皮超級脆同大片，炸雲吞越食就越上癮至於雞煲方面，小編就推介招牌嘅川味雞煲+冬陰功雞煲，招牌著名雞煲越食越辣，好過癮，而且裏面有好多蒜頭同洋蔥，正！另外，冬陰功雞煲，小編極力推介，冬陰功味超濃，而且而且越滾越濃郁，最後仲加咗啲粉絲添，粉絲吸晒冬陰功嘅精華，食唔停口至於火鍋加燒烤就係一個爐鍋底再加燒烤肉喺上面，火鍋湯底仲有三款可以選擇，小編呢就揀咗沙嗲牛肉鍋底，鍋底超級濃郁，再配上安格斯牛肩肉，生菜+蘿蔔片+潮州牛丸+豆腐皮，小編呢就發現咗佢哋原來有日本版嘅出前一丁啊，店舖落得好重本啊，都係任食㗎，再擺落去一齊滾，好就更加好味啦😝另外牛肉片呢仲可以擺上去鍋上面燒烤，出面仲有啲燒烤汁同埋鹽俾你選擇，可以一路食一路燒烤，而且火候都好夠大至於飲品方面，有基本嘅茶汽水同啤酒之外，令我最surprise呢就係有日本嘅SAPPORO premium beer，好少任食雞煲嘅地方會有得飲，食飽咗仲有可以任食雪糕總括而言啦，小編覺得性價比超高嘅雞煲任食放題，大家有興趣就一定要早啲book位啦，小編當日7:30到，已經坐滿咗啦，好彩我有book,店舖分咗兩款嘅任食放題，但係個人就覺得VIP大師依個package就比較抵，包雞煲嘅口味亦都好多選擇，而且仲可以火鍋+燒烤肉可以享用…查看更多

中意食雞既必黎，$298 任食7款雞煲中意飲酒既必黎，$298 任飲多款酒精 / 無酒精飲品中意食烤魚既必黎，唔洗一舊水 有2款烤魚 勁大大條中意人多熱烈定一個人既必黎，任食到你2046中意有燒肉+打邊爐既必黎，要燒定要lok任你簡重點推薦 食 雞! 我地叫左4款雞煲，食完一煲先叫一煲，記得唔好浪費食物，食得哂先叫，如果人小，可以落單果陣寫要半份雞正氣養生雞煲❤味道淡淡酒香小回甘甜酸菜雞煲❤酸 椒 麻味香，唔太辣，好開胃秘製椰香雞煲❤咸甜齊上唔膩口，好有新加坡既味道冬陰功雞煲❤泰式口味有蝦頭做湯底佢地既雞肉質鮮嫩，皮脆爽口，同埋唔肥膩，中意邊款雞煲可以直接加湯打邊爐，但我地想試埋佢地個芫荽皮蛋湯底!! 味道清新，食左咁多肉，黎返個fresh d既湯底! 我最愛佢地既火鍋配料係黑毛豬梅肉片同台灣無字豆紙!!! 豬梅肉片肉味濃，入口軟嫩。而台灣無字豆紙係我第一次食，好香好香豆味，一次過LOK幾張，一咬好實在既口感，仲有淡淡甜甜既豆香，好好味。我見隔離台人多叫烤魚，真係好大條，冇返4-6個人仲要食咁多野，真係搞唔掂，地方大，坐得舒適，環境企理，食物選擇多，食完散步行去太子 / 旺角都好方便，呢個冬天打邊爐有飯堂喇!!…查看更多

🔎食雞（大角咀）突然好想食雞煲&打邊爐🤣就同朋友喺旺角附近搵咗間二合一放題！我哋叫咗「招牌川味雞煲」可以自選辣度🌶️我哋嗌咗bb辣～不算很辣，但好惹味！雞肉吸收咗所有的味道，好重口味😍雞肉鮮嫩，肉質滑溜另外想健康啲仲有正氣養生雞煲、酸菜雞煲、椰香雜煲、冬陰公雞煲、芝士雞煲、沙嗲雞煲..🤣食完雞煲就可以加湯打邊爐啦🤣火鍋方面，選擇實在太多！除了安格斯牛肩肉、西班牙黑毛豬梅肉、切片prime 牛小排等肉類任食！仲有超過四十款火鍋配料！最推介蝦滑、韓國珍寶巨大蟹棒！一淡咬下去，蟹肉的鮮甜感好滿足！🦀而且竟然仲有我最愛的韓國芝士麵！🧀🫕吸哂啲湯汁超邪惡！甜品雪糕都係任食！🍦🍨仲有酒精任飲！超適合同frds啤啤佢🍻環境方面，餐廳非常寬敞🤩即使得兩個人，餐廳都俾咗張好大的圓枱！有足夠的空間可以放好多嘢食🤣見到網上有啲評論提到服務差但我嗰日去又覺得唔係～員工會隨時都會過來關心我們需要咩🫡Overall覺得幾好，期待再來！🔥🙌…查看更多

野食ok la, 中等，無乜特別突出，但唔差，但有個員工四眼金毛瘦瘦地既真係極品，成個雞煲扔落枱，彭一聲，嚇到我地成班你眼望我眼，全程黑口黑面，香港真係比呢d人害死，唔會再黎。…查看更多

琴晚同同事收工落佐大角咀呢間火鍋，其中一個同事話食過唔錯，所以介紹，去到門口講真小小卻步因為比較冷清，環境算唔錯夠大夠夠光猛，叫佐招牌雞煲，點知送佐個冬瓜盅，原來呢排優惠，book 位有野送，唔係味精湯呢到加分！之後正菜招牌雞煲幾有特色；整體連埋打邊爐食物都好滿意，但最想讚好呢間鋪頭既位係佢唔似出邊d鋪咁明明都唔會有下一場都要俾面色你睇趕你走，真正做到無限時任食，岩晒我地呢d收工一班同事去傾下計消遣。唯一唔好就係位置唔算旺區，但又正正因為咁先做到呢種地道小店😂所以都會有時間再支持下，價錢合理食物質素到位👍🏻…查看更多

任飲飲食？所有嘅雞煲只有兩款可以添，其他嘅款全部係唔可以係要加錢嘅飲品唔係全部都係任飲嘅酒精係要加錢其實要加錢唔緊要嘅，但係我感覺係俾人屈囉其實點解？一入座門口冇人自己搵位，埋到座位向後有個男仔，跟住問就話係咪兩位，那個男子指着凍飲品位置嘢飲喺嗰邊自己攞，而我望過佢個櫃上有個牌亦都是任飲自助櫃，跟着我見到有一個蘋果飲品我就攞嚟飲啦，拿過來飲一口，那個男子便問我是否飲酒精飲品，我便說是然後那個男子便回櫃檯,越諗越覺得奇怪，我便再行去收銀台問那個男仔是否要收費，他便說要收$40我問他是否兩位都要收啊？他才說是每位$40。要收費做咩唔早說啊？然後那個男仔便指着飲品櫃方向，他說有寫出來原來那張紙貼在那個櫃上面要收費，但是那時候我的感覺是什麼，要收費你應該一早說（酒精飲品要收費）我便會留意，他從沒有講過，最後還指責客人你自己唔識睇嘅咩？一路食已經很唔開心，然後我發現原來要換雞煲要加錢我再問那個男仔嘅時候，他說有兩款才可以其他要收費，我便再提及收費飲品嘅問題問他，他便說其實我可以唔收我請你飲都得，太可笑了，你說是否這間店正常，要俾錢係正常，但係唔係用咁嘅態度同埋佢咁樣寫出來都有誤導成份大大隻字任飲自助，然後細細隻字話俾人聽要收費 仲要唔同客講問佢才說，然後仲要叫客人自己睇有貼出來啦真係食到一肚氣一肚氣永不光顧。 …查看更多