Noc Noc

營業中

休息中

今日同朋友嚟咗大埔一間好chill嘅酒吧餐廳食飯。本身都係諗住搵個地方傾吓計食吓嘢，冇乜好高expectation，點知呢度嘅嘢食係意想不到咁高質！我哋一人揀咗一款嘢食， 開心share。鐵板烤牛配墨西哥薄餅🇲🇽🌮好耐冇食過墨西哥薄餅，因為都唔係隨處可以食得到。賣相好精緻，仲配有幾款配料，包括我最愛嘅牛油果醬，芝士碎，番茄莎莎，酸忌廉。我哋急不及待，將烤牛肉同所有配料放入薄餅入面，一啖咬落去，味道超夾，非常滿足！卡真香辣雜錦扁意粉🍝其實我哋都唔知咩係卡真，見幾得意就叫嚟試吓。呢個意粉有好多配料，包括蝦，雞肉，辣肉腸。調味偏重口味，非常香辣惹味。好奇上網睇睇，原來卡真係糅合咗法系加拿大、西南美洲，西班牙烹飪風格而形成的獨特傳統風味，夾雜着好幾種胡椒中的香味。難怪呢個菜式味道香濃獨特。