鳥海山鐵板燒 (已搬遷) 新店位置

鐵板燒晚餐一向都係價位較高，長沙灣呢一間鐵板燒超級抵食！基本上係平時鐵板燒嘅一半價錢。我哋揀咗個最豐富嘅鳥海山鐵板二人餐$1198。包括：是日精選刺身、沙律、活龍蝦、活鮑魚、鵝肝多士、牛肉薄燒、野菜、炒飯、味噌湯。呢個餐咩都有，全部都係我鍾意食嘅嘢。首先係刺身，賣相相當靚，係Omakase嘅質素。資訊非常新鮮，全部厚切又肥美。金扇鯛相當鮮味、中吞肥美有入口即溶知感覺。三文魚又係超肥美！沙律菜幾新鮮，配上酸酸地沙律醬汁好開胃。龍蝦好大隻，肉質爽口。仲帶點龍蝦膏嘅香味，食得出好新鮮！鮑魚同樣出色，煮得剛剛好，好好味😋鵝肝多士油脂非常香，鵝肝煎到香脆，正！牛肉薄燒入邊充滿蔥，夠香又有蒜蓉味。最後炒芽菜配炒飯，配埋味噌湯超級滿足！