影片
更多
2024-01-14
224 瀏覽
一直都好想試下豆花烤魚，見到知魚知樂有就即刻去左試！餐廳仲有手搖飲品，啱曬鍾意食烤魚又鍾意飲手搖飲品嘅人。我去嘅係大圍店，另外紅磡都有分店香辣豆花烤魚（青江魚） $318豆花大大舊，份量超級多，口感非常滑嫩，極度推薦！青江魚好大條，冇乜細骨，啱晒我呢啲懶人！魚肉好新鮮，唔腥。我哋嗌嘅係中麻中辣，味道唔算好辣，鍾意食辣嘅可以試大辣。好特別嘅係魚上面仲擺咗啲零食小麻花，一開始見到覺得呢個組合好奇怪，但其實將佢點落辣汁食落又得意，小麻花本身脆脆地，原本甜甜地嘅味道搭配辣汁，入口甜甜辣辣又脆口，感覺幾得意。另外呢度嗌烤魚就包咗芽菜蓮藕金菇同娃娃菜，超級抵！食完烤魚可以加火鍋配料打邊爐，但因為我哋得兩個人食，食唔落就冇嗌到串燒同好多烤魚餐廳一樣，呢度都有串燒而且價錢都非常公道，由10幾蚊開始就有交易。其中烤韭菜只係$15就有2串，呢個價錢呢個份量黎講超抵！餐廳亦好貼心會用火加熱住啲串燒，可以慢慢食，唔使驚佢變凍脆皮奶卷 $42好推薦大家嗌呢個，一份有六條脆皮奶卷，仲要大大條，好抵！味道同口感配合得非常之好，外層金黃酥脆，而且一啲都唔油膩，內層好滑嫩，甜度適中😍芝滋珍奶 $38芝士奶蓋加珍珠奶茶呢
香辣豆花烤魚（青江魚） $318
豆花大大舊，份量超級多，口感非常滑嫩，極度推薦！青江魚好大條，冇乜細骨，啱晒我呢啲懶人！魚肉好新鮮，唔腥。我哋嗌嘅係中麻中辣，味道唔算好辣，鍾意食辣嘅可以試大辣。好特別嘅係魚上面仲擺咗啲零食小麻花，一開始見到覺得呢個組合好奇怪，但其實將佢點落辣汁食落又得意，小麻花本身脆脆地，原本甜甜地嘅味道搭配辣汁，入口甜甜辣辣又脆口，感覺幾得意。另外呢度嗌烤魚就包咗芽菜蓮藕金菇同娃娃菜，超級抵！食完烤魚可以加火鍋配料打邊爐，但因為我哋得兩個人食，食唔落就冇嗌到
串燒
同好多烤魚餐廳一樣，呢度都有串燒而且價錢都非常公道，由10幾蚊開始就有交易。其中烤韭菜只係$15就有2串，呢個價錢呢個份量黎講超抵！餐廳亦好貼心會用火加熱住啲串燒，可以慢慢食，唔使驚佢變凍
脆皮奶卷 $42
好推薦大家嗌呢個，一份有六條脆皮奶卷，仲要大大條，好抵！味道同口感配合得非常之好，外層金黃酥脆，而且一啲都唔油膩，內層好滑嫩，甜度適中😍
芝滋珍奶 $38
芝士奶蓋加珍珠奶茶呢個組合聽落就好邪惡，一次滿足兩個願望🤣估唔到一間主打烤魚嘅餐廳手搖飲品都做得幾好。珍珠彈牙，奶茶口感細滑，奶味同茶味都配合得唔錯，推薦！
楊枝甘露 $38
呢度有楊枝甘露都幾吸引，好適合解膩，但味道黎講就普普通通，唔算好特別，比較推薦大家飲珍珠奶茶
張貼
