INN - I’m Not Nothing (已結業)

午市黎到係元朗新開嘅INN食午餐，估唔到依個鐘數已經非常爆滿。餐廳佈置得非常別緻，擺放咗唔少植物，好有心思。我地坐咗係靠外面嘅位子，可以望到外面嘅風景。餐湯係南瓜湯，非常香濃。一見到餐牌有crepe，即刻解決咗我嘅選擇困難，我點咗其中嘅野菌忌廉雞肉配法式班戟。班戟上面擺滿咗濃濃嘅野菌同忌廉，切開仲見到層層嘅班戟包住雞肉。班戟煙煙韌韌，雞肉creamy，非常滿足~香燒焗豬肉眼配肉桂蘋果醬，豬肉眼上面係滿滿嘅肉桂蘋果醬，下面係薯蓉蔬菜。豬肉眼好厚，但係一啲都唔韌，帶有少少焦香味，醬汁好重肉桂味，薯蓉亦都好香滑。餐飲轉配特飲，士多啤梨藍莓奶昔 & 香橙芒果薄荷梳打，果味香甜，同樣都好清新解暑~因為實在太飽喇，所以冇點到甜品crepe，下次一定要試！