Brother 5 Oyster & Steak Chop Bar

營業中

休息中

星期六嘅晚上無咩做，決定同Friend黎Chill返下。之前淨係食過教育路本店嘅午餐，未試過分店呢邊。呢邊地方比較闊落，我哋當晚冇訂枱，但好彩店員話淨返最後一張Walk in枱。我哋叫咗一個生蠔拼盤同House White Wine，今晚嘅時令生蠔有三種，分別來自於美國同法國，生蠔都洗得好乾淨，味道正常同新鮮。而主菜方面我哋叫咗西班牙伊比利亞黑毛豬天下第一刀，呢道菜非常有驚喜，首先係絕對冇overcook，豬肉其實65度就已經夠熟，我哋切出嚟舊肉仲係粉紅色，其次佢係煎得非常之香，食得出醃料方面都落咗好多功夫，同埋非常之林。而牛扒方面我哋叫咗美國Prime grade嘅西冷，雖然叫咗五成熟，但食落去仲係有啲韌，肉味又唔算非常濃郁，呢道菜得有少少失望。我哋之後仲叫咗幾杯酒同埋特飲，埋單$1100，性價比唔係好高，我比2/5分，不過絕對值得一試。