Flames (鴻圖道)

營業中

休息中

澳洲式雞鹽味薯條諗住叫個小食咬吓等朋友到，每條都沾上調味粉，超級均勻，朋友話好似細個食嗰啲媽咪麵嘅味道。慢煮雞胸車厘茄香草醬扁意粉慢煮雞胸肉有驚喜，即使係雞胸肉都有細嫩嘅口感，香草醬同樣入味，扁意粉好多汁，唔錯。10安士肉眼扒配忌廉薯蓉，塊扒叫咗七成熟，熟度掌握得好好，肉質仲保持到有少少紅，塊扒都煎得好香，而且有少少炭香，食落嫩滑，油香都重，雖然邪惡，但好好食，至於薯蓉加左忌廉，口感滑溜。我六點去以為呢間餐廳冇人嚟食，點知半個鐘之後，全場都坐滿人。