THE 24 . ST

營業中

休息中

趁住過年兼情人節，買咗盒近期好hit嘅蝴蝶酥試吓。呢間名叫The 24.ST，響旺角朗豪坊同太古城都有分店。主打多種口味嘅蝴蝶酥，款式種類非常多，包裝亦都十分精美。呢日到訪旺角朗豪坊嘅店舖，裝修好靚，入面真係有唔少口味選擇，當中包括原味、栗子堅果、日本黑芝麻、三色蔥芝士、杞子洛神花、蘋果山楂、紅棗洋參、宜蘭柑橘杏仁、日本柚子香梨等等。今次第一次幫襯，揀咗個特別少少嘅紅棗洋參蝴蝶酥試吓。紅棗洋參蝴蝶酥（$59）- 一盒九件，入口非常鬆化，帶微微紅棗同洋參香味，味道唔會過甜，用來作為下午茶或甜品食真係一流。