影片
更多
2022-05-15
598 瀏覽
平時經過荃灣都喜歡到荃灣廣場附近，因為有好多隱世高質食店，今次都唔例外，隨意揀一間車仔麵，意料之外新發現，食物和湯底真係唔錯。 招牌叫阿荔，直覺同荔枝角有關，原來店主在40年前，就在荔枝角車仔檔起家，宜家搬到荃灣全新裝修，卻保留懷舊風味，環境光亮整潔，車仔餸選擇多，果然係老字號而創新的車仔麵! 牆上寫著 "一生只想尋覓一個陪你食車仔麵的人" ，感覺感嘆又型格。車仔餸有好多吸引的選擇，而招牌推介就有秘制牛腩和南乳豬手，而飲品有懷舊樽裝汽水和自家冷泡茶。點了2碗車仔麵，除了自選湯底和辣度，最重點有自製火辣菜脯，炒得夠香夠辣口，令人喜歡。 =車仔麵A-油麵 (馬來喇沙湯底)=秘制牛腩+沙嗲辣魷魚+日本溏心蛋+豬紅湯底的喇沙湯椰香味濃，少辣口感剛好，另有生菜與豆卜，味道惹味，十分出色。另外見到推介牛腩就想食，食落淋身，牛味濃郁又不會羶，而且調味剛好，腩汁也混入湯底上，必食之選。魷魚食落爽口肥美，沙嗲汁入味，溏心蛋和豬紅同樣有水準，整體豐富滿足。 =車仔麵B-油麵 (清湯+惹味沙嗲汁+懷舊滷水汁)=南乳豬手+柱侯牛筋+滷水雞翼+蘿蔔食老字號車仔麵，最重點在於湯底醬汁，今次就食左沙嗲汁拼懷舊滷水汁
招牌叫阿荔，直覺同荔枝角有關，原來店主在40年前，就在荔枝角車仔檔起家，宜家搬到荃灣全新裝修，卻保留懷舊風味，環境光亮整潔，車仔餸選擇多，果然係老字號而創新的車仔麵!
牆上寫著 "一生只想尋覓一個陪你食車仔麵的人" ，感覺感嘆又型格。車仔餸有好多吸引的選擇，而招牌推介就有秘制牛腩和南乳豬手，而飲品有懷舊樽裝汽水和自家冷泡茶。
點了2碗車仔麵，除了自選湯底和辣度，最重點有自製火辣菜脯，炒得夠香夠辣口，令人喜歡。
=車仔麵A-油麵 (馬來喇沙湯底)=
秘制牛腩+沙嗲辣魷魚+日本溏心蛋+豬紅
湯底的喇沙湯椰香味濃，少辣口感剛好，另有生菜與豆卜，味道惹味，十分出色。另外見到推介牛腩就想食，食落淋身，牛味濃郁又不會羶，而且調味剛好，腩汁也混入湯底上，必食之選。魷魚食落爽口肥美，沙嗲汁入味，溏心蛋和豬紅同樣有水準，整體豐富滿足。
=車仔麵B-油麵 (清湯+惹味沙嗲汁+懷舊滷水汁)=
南乳豬手+柱侯牛筋+滷水雞翼+蘿蔔
食老字號車仔麵，最重點在於湯底醬汁，今次就食左沙嗲汁拼懷舊滷水汁，意料之外地超惹味，調製得很搭配，兩樣味道平衡，不會太鹹或太淡，沒有油膩感。南乳豬手煮得夠入味夠淋，大舊又多肉，柱侯牛筋經過長時間烹調，入口即溶一樣的軟身質地。雞翼大隻，滷水味夠濃。蘿蔔香甜又夠淋，正常發揮。
=冷泡四季春茶 + 樽裝可口可樂=
自家冷泡系列有幾款，今次叫四季春茶，不會太苦澀，茶味香而帶點微甘。另外最期待有玻璃樽的可口可樂，真係好少地方仲有得賣，淡淡氣泡刺激感，是罐裝膠樽裝不可取代。
張貼
