井巷子 by 鋒膳 (已結業)

今日朋友話帶我食好嘢，但又唔話我知喺邊度，淨係話一定有驚喜。龍蝦我鍾意，而小龍蝦亦係我鍾意食物，但凍食今次係第一次，呢個就係冷盆“涼拌泡椒小龍蝦米線”，新鮮鮮活小龍蝦泡製嘅凍食，都可以食出佢嘅鮮味，唯一論盡嘅就係食得隻手污糟，雖然飯店有提供手套；凍食嘅米線好爽，吸盡龍蝦精華和泡椒的辣味。“剁椒酸辣羊肉”亦係好滋味，連平時不食羊肉嘅朋友都好讚賞；“豆酥烏賊”用嘅係日本長崎烏賊，配埋製作豆漿過濾時留下的豆渣製作而成的豆酥，薄薄的一層裹住鳥賊，好似食緊tempura 咁，但又更勝一籌。“井巷子片皮鴨”做得好精緻，當然皮脆肉滑少不了，而配菜除咗平時啲嘢之外，仲加上黃金奇異果，更顯矜貴。"黑蒜螺頭雪蓮子燉班骨唐排"清甜無比又滋補，沒有多餘味精；“剁椒酸菜酒香黑白切”內有自家种植剁椒，自家製泡菜，西班牙甘栗豚肉，又有切成條狀的大腸，極之惹味。“雜果土紅糖冰粉”係我食過最豪的冰粉，雜果有大量新鮮的白肉，紅肉火龍果，奇異果，蜜瓜，好好食吖😊呢日嘅時令水果係靜崗蜜瓜還有 車厘子，真係令人有驚喜的一餐，不愧為米芝蓮推介餐廳，食材新鮮及待應的殷勤有禮服務亦好難忘。