影片
更多
2015-12-01
3919 瀏覽
呢間真係想試好耐，因為佢星期一至日午市（11:30-14:30）都有個任食點心供應，$268一位另加茶錢同加一，以酒店級環境同服務黎講，價錢可以接受，如果有匯豐或AE白金卡，仲有85折。地方唔大，只得十幾張枱（連卡位），我係閒日去，初時冇咩客人，但大約1點左右就開始坐滿，所以最好都係book定位。呢個任食點心套餐有十幾種點心燒味、炒粉麵飯仲有粥、老火湯同甜品可選，雖然唔算包羅萬有，但每款試少少，都足以飽到嘔。注意菜牌會定期更換。唔駛驚分量好多，呢度按人頭供應相應分量菜式，如果係點燒賣蝦餃之類，兩個人會畀兩粒你，如此類推。每款點心上枱時都熱辣辣，唔會好似有d酒樓係溫溫吞吞咁，非常滿意。據聞佢嘅叉燒好食，就試下。厚切叉燒有少少肥，燶邊位唔多，咬落好腍好鬆化，蜜味好重，的確唔錯。不過我覺得最好食反而係鹵水金錢肚（飽到死都再encore左一次），鹵水加埋麻油味極香，金錢肚腍到冇牙都食到，必試。比較特別係椒鹽靈芝菇，菇菇炸得香脆，椒鹽味唔重，當零食送酒更加一流。我非常喜歡的豬腳薑呢度都有供應，有兩至三件豬腳、幾片薑，我冇食薑，豬腳就好腍好入味，甜酸醋都好美味。粉葛豬骨湯幾清淡，冇味精，好似媽媽湯
地方唔大，只得十幾張枱（連卡位），我係閒日去，初時冇咩客人，但大約1點左右就開始坐滿，所以最好都係book定位。
呢個任食點心套餐有十幾種點心燒味、炒粉麵飯仲有粥、老火湯同甜品可選，雖然唔算包羅萬有，但每款試少少，都足以飽到嘔。注意菜牌會定期更換。唔駛驚分量好多，呢度按人頭供應相應分量菜式，如果係點燒賣蝦餃之類，兩個人會畀兩粒你，如此類推。每款點心上枱時都熱辣辣，唔會好似有d酒樓係溫溫吞吞咁，非常滿意。據聞佢嘅叉燒好食，就試下。厚切叉燒有少少肥，燶邊位唔多，咬落好腍好鬆化，蜜味好重，的確唔錯。
不過我覺得最好食反而係鹵水金錢肚（飽到死都再encore左一次），鹵水加埋麻油味極香，金錢肚腍到冇牙都食到，必試。
比較特別係椒鹽靈芝菇，菇菇炸得香脆，椒鹽味唔重，當零食送酒更加一流。
我非常喜歡的豬腳薑呢度都有供應，有兩至三件豬腳、幾片薑，我冇食薑，豬腳就好腍好入味，甜酸醋都好美味。
粉葛豬骨湯幾清淡，冇味精，好似媽媽湯咁天然。
蝦餃燒賣都算足料，但唔算好特別。
鮮竹卷細細條的，腐皮又滑又軟，餡料又爽口，口感豐富。
其他點心都係水準之上，不詳寫了。
甜點有兩種，芝麻糊同椰汁馬豆糕，前者又香又滑，後者都滑，但椰汁味唔重。
值得去指數：
張貼
