影片
更多
2022-11-15
3365 瀏覽
💁♀️💁♂️23/9/2022(Fri), Dinner🍽👫又到星期五拍拖搵食日～今次A先生就book左灣仔呢間～專人席前料理既壽喜燒既專門店🤩～今晚我地order左：🔆神戶牛(A5)套餐 🐂$789🔆日本產黑毛和牛(赤身肉)套餐🐃 $529🔆千代菊 300ml $159兩個套餐既前菜、蔬菜同埋烏冬都係一樣既，唔同既只係牛肉既質素🤩。店員服務非常周到👩🍳🧑🏭，每款食物都會介紹💁♀️💁返食材同埋食法。而牛肉🐃🐂、蔬菜鍋🥘同埋烏冬🍲都會幫你現場煮，煮牛肉時店員都問你想食生少少🤏定熟少少🤏，可以按自己既喜好去煮🥰。前菜有四小碟，店員介紹由日本溫室蕃茄沙律🍅開始食起，件蕃茄比一般既甜，食落又多汁清新😍。接住就係帶子刺身再配海藻粉整成既條狀配菜，帶子新鮮加上爽口既海藻條，口感特別😋。之後再食和牛他他，和牛肉加上鵪鶉蛋再配上醬汁，撈勻後入口牛肉鮮嫩❤，有肉味而無渣，呢一小碟實在係唔夠喉😆。最後係爽口既海哲，酸酸地咁入口非常開胃👍👍👍。本來未入餐廳之前都唔算太肚餓，但食完呢四碟前菜之後，真係胃口大開，準備好迎接主菜和牛壽喜燒🤤🤤🤤！兩款牛肉同時上枱，睇油花同牛肉既紋路當然係A5既神戶牛靚好多，頭
💁♀️💁♂️23/9/2022(Fri), Dinner🍽
👫又到星期五拍拖搵食日～
今次A先生就book左灣仔呢間～專人席前料理既壽喜燒既專門店🤩～
今晚我地order左：
🔆神戶牛(A5)套餐 🐂$789
🔆日本產黑毛和牛(赤身肉)套餐🐃 $529
🔆千代菊 300ml $159
兩個套餐既前菜、蔬菜同埋烏冬都係一樣既，唔同既只係牛肉既質素🤩。店員服務非常周到👩🍳🧑🏭，每款食物都會介紹💁♀️💁返食材同埋食法。而牛肉🐃🐂、蔬菜鍋🥘同埋烏冬🍲都會幫你現場煮，煮牛肉時店員都問你想食生少少🤏定熟少少🤏，可以按自己既喜好去煮🥰。
前菜有四小碟，店員介紹由日本溫室蕃茄沙律🍅開始食起，件蕃茄比一般既甜，食落又多汁清新😍。接住就係帶子刺身再配海藻粉整成既條狀配菜，帶子新鮮加上爽口既海藻條，口感特別😋。之後再食和牛他他，和牛肉加上鵪鶉蛋再配上醬汁，撈勻後入口牛肉鮮嫩❤，有肉味而無渣，呢一小碟實在係唔夠喉😆。最後係爽口既海哲，酸酸地咁入口非常開胃👍👍👍。本來未入餐廳之前都唔算太肚餓，但食完呢四碟前菜之後，真係胃口大開，準備好迎接主菜和牛壽喜燒🤤🤤🤤！
兩款牛肉同時上枱，睇油花同牛肉既紋路當然係A5既神戶牛靚好多，頭一件我地都揀咗要生少少🤏既。店員熟練👩🍳既手勢好快就將牛肉煮好，先食既係神戶牛，A5神戶牛油脂豐富香味十足，入口軟滑無渣，配合店家唔太甜既壽喜燒汁，真係入口即溶咁好好食🤤。再蘸埋日本生食用既蛋汁🥚，入口再滑啲同多咗蛋香味，又係另一種滋味👍❤。至於黑毛和牛赤身肉就肉味多少少，無咁油脂豐富，其實本身都好好食，但喺神戶牛既比較之下，當然係有所不及。食壽喜燒既時候會送上白飯🍚，店員建議我地每人先要半碗先，唔夠可以再加⬆️。日本米煮得粒粒分明又有米香，再配合和牛壽喜燒，半碗本身真係唔夠，但始終都要留肚食蔬菜同埋烏冬，所以都無再添飯😌。
食完一塊生少少既牛之後，另外一塊我地就要熟少少🤏，店員會煎得焦香多一啲，入口又係另一種感覺。A先生就比較喜歡熟少少既焦香味😋；而為食妙妙就喜歡生少少既油香感覺😋。
除咗蛋汁之外，店方亦都有提供青檸同埋枱面上既三款調味粉去調味，不過我地都覺得就咁蘸蛋汁已經好好食。
食到咁上下店員會用壽喜燒汁再加鰹魚湯煮蔬菜，呢度要讚一讚一店員細心咁排好蔬菜喺個鍋度🥘，按返要煮既程度去排好，先去開火煮。蔬菜新鮮又吸收咗湯底既味道，可以平衡返牛肉既油膩感。
食到呢度其實都已經飽飽地，但仲有烏冬等緊我地，店員用返同樣煮蔬菜既壽喜燒汁加鰹魚湯煮，烏冬煮過後入味又飽肚，食到呢度已經係十成飽🤠。
最後甜品係抹茶蕨餅、日本和果子同埋十勝紅豆蓉🫘，店員介紹都係跟返呢個先後次序食，蕨餅煙煙韌韌又有抹茶香；和果子入面係豆沙，香甜好食；十勝紅豆蓉仲有粒粒既紅豆食到，對於A先生呢個紅豆控嚟講份量實在太少🤣。上甜品時店員會換過另一杯白川茶去配返，呢個又係店方既一個細心位👍👍👍。
張貼
