犇殿台灣火鍋 (青衣城1)

營業中

休息中

今日天氣涼咗約咗朋友去青衣試一間台式火鍋店，叫犇殿台灣火鍋。餐廳環境都好寬敞，感覺都非常舒服，而且餐廳清潔度都好滿意。我第一時間就叫佐最喜歡嘅牛肉有特選極佳牛肉,安格斯牛肉,美國牛板腱。我就最like極佳牛肉，塊牛肉好大塊而且牛味好濃。 而牛板腱肉質比較嫩帶點油花，最後安格斯牛肉肉質比較重脂肪。牛胸爽在外面餐廳好少有，口感真係好爽。杞孑醉雞啲雞肉好嫩而且有濃濃嘅酒香味和杞子味。海鮮方面有大蝦 ,魚同墨魚仔， 啲大蝦最吸引就係大隻同啲肉好彈牙。小食方面有好多台灣小食 有我最like嘅台灣腸同埋鹵水豆腐 , 地瓜圓等等， 搞到我真係好似去咗台灣吃火鍋一樣。飲品都有好多我就選擇自家製嘅玫瑰紅茶和白桃烏龍， 兩種都好有茶味亦都唔會太甜，最啱吃火鍋時飲。自助吧都有好多蔬菜和丸類選擇。食埋個雪糕就滿足曬。