犇殿台灣火鍋 (青衣城1) (已結業)

今日放假全日落雨，同阿媽嚟呢間下晝三點後七折嘅火鍋，食90分鐘每人$132.8,抵呀！牛羊豬雞用手機點餐，其他嘢自己去攞，有各式各樣嘅丸類蔬菜類，又有熟食，咖哩豬皮魚蛋好得味！有我鍾意食嘅地瓜球同埋芝麻球，牛肉都幾好食，羊肉唔肥唔瘦，唔錯！雞係醉雞都幾滑，甜品有涼粉有各式各樣嘅雪糕，呢啲價錢得閒就一定再嚟啦！…查看更多

一個大集團旗下的台灣火鍋餐廳，請了一堆冇禮貌，感覺就像在厭世的服務員，真的是食到一肚火！公平地說，食材是不錯的，但服務態度簡直是垃圾垃圾垃圾！真的是貼錢買難受，香港的餐飲業就是俾這些服務質素搞死…查看更多

## 食評：放工後的牛肉放題放工後，因為老婆同同事吃晚飯，我自己就去咗之前試過嘅一間定量套餐店，今次選擇咗佢哋嘅M9和牛放題。為咗試下所有牛品種，我叫咗一遍，發現佢嘅澳洲特選牛肉味道濃郁，安格斯牛都算厚切，味道尚可。M9和牛就冇想像中咁肥膩，對於$440嘅放題來講，性價比其實可以接受。佢哋有多款飲品，但美中不足就係沒有無糖可口可樂只有無糖百事可樂，對於習慣飲可樂嘅人來講，白事實在唔算喺可樂。仲有象啤啤酒可以選擇，但我對啤酒有啲要求，唔係藍妹或Suntory其他啤酒都覺得一般。另外，佢哋嘅台式小吃就冇咩特別好味，外面嘅炸鮮奶同芝麻球麵粉太多，味道一般。QR code落嘅朱古力球同榴槤炸彈係涼嘅，有啲失望，但榴槤炸彈味道算係不錯。海鮮部分就做得幾好，冇其他同類型放題嘅腥味，鮮蝦、鮑魚同扇貝味道都算唔錯。甜品方面，佢哋有Movenpick同Häagen-Dazs雪糕，仲有其他雪條，款式種類都幾多。…查看更多

每次去青衣城都只會食壽司郎，今次因為太肚餓等唔切所以轉場，見到有間《犇殿》有全日火鍋套餐幾抵，親民價由$68-168，唔可以拎出面嘅食物同飲品。🥢澳洲安格斯牛板腱 $88/150g x 2🥢追加：澳洲羊肉卷 $22/60g🥢追加：手工蛋餃 $8/2件 x 2是日狀態係肚餓，但未去到可以食放題，所以每人叫咗一個150g牛板腱定量套餐，套餐包前菜+肉+蔬菜拼盤+白飯各一，飲品唔包，再追加兩項食物，其實咁叫都好夠飽，所有食物水準正常，牛乳鍋普普通通，不過追加嘅羊肉卷就想推介一下，羊肉夠嫩夠羶無雪味，但套餐無羊選擇，但可無限次追加，仲有幾款甜品都可追加，但太飽已經食唔落了。二人共消費：$235…查看更多

上星期母親節🌷同小朋友去咗青衣城行街，順便睇睇母親節晚餐有咩選擇，見到有間餐廳做緊打邊爐買一送一，仲有全農日本🇯🇵JA和牛食😍，啱晒我呀！位於青衣城3/F嘅犇殿台灣火鍋，係門口就見到「期間限定！買一送一・全農日本JA和牛嘉年華」呢個招牌，於是我哋就揀咗呢款啦一嚟就上咗一大盤半公斤重嘅日本🇯🇵A5和牛真係好吸睛，和牛口感幼嫩，入口即溶，油脂分佈平均，又唔會太膩。另外又試咗美國🇺🇸極佳牛肩胛肉同埋澳洲🇦🇺特選牛肉，呢兩款肉，肉味濃郁，口感都唔錯！QR code落單好方便，我地叫咗台式濃郁沙茶鍋，鍋底好香，另外仲試咗海蝦、海蜆、墨魚滑、鴨血等，好多選擇，食材新鮮除咗點餐，仲有自助區，包括台式甜品、飲品、新鮮蔬菜、小食同雪糕，最欣賞係竟然有芋圓同仙草，可以DIY台式糖水😋餐廳除咗有火鍋吃到飽，仲有火鍋套餐，啱哂細食嘅朋友！…查看更多