禮 (打鼓嶺道)

營業中

休息中

呢間居酒屋細細間但經常好多人食，係我心目中嘅九龍城居酒屋no.1。前菜方面，我哋先點咗番茄漬、酒盜芝士。番茄漬清新開胃。酒盜芝士又鹹又香，最啱就係用嚟餸酒！極上刺身三品啱晒刺身控，款款都又靚又鮮甜。仲可以試埋黑松露帶子反卷。帶子好鮮味，反卷都包得幾好。我哋次次嚟都會食南蠻炸雞。呢度嘅炸雞特別香脆多汁，好少有咁好食嘅日式炸雞。串燒方面我哋叫咗醬汁燒豚肉串、厚切牛舌芯、亞波美手羽先、網燒赤雞肉。佢哋呢度嘅豬肉串燒完全冇豬羶味，反而吸收晒醬汁嘅甜味，口感又彈牙。亞波美手羽先燒到又脆又有少少鹹香。網燒赤雞肉冇骨好方便食，脆脆嘅雞皮好驚豔。我哋仲叫咗蒜蓉燒生蠔，鮮甜重海水味，蒜香好重。芝士玉子燒都係必食嘅，又香又滑，配芝士好夾。我哋揀咗月見醬唐揚飯團做主食。鹹鹹香香好惹味，口感仲好脆。最後仲有薯上白雪！軟綿香甜嘅日本番薯同雪糕好夾。