甜姨姨 (耀華街)

營業中

休息中

由於早到嘅關係，我地唔使排隊就入到去，一入去坐落無幾耐已經見到外面有人排隊，真係嚟得及時！店內環境狹窄，我地揀左一張對住落地玻璃嘅Bar枱，望住窗外嘅環境食甜品，當晚仲要落住細雨，即刻變得好有意境！雖然間中會同外面排緊隊嘅食客對望而覺得有啲尷尬，但我覺得呢個位置算係成個餐廳最好嘅角落，可以俾兩個朋友細細聲傾心事，自成一角咁！我揀左芋圓八寶紫糯米($58)，份量略少，但勝在味道好出色！佢個甜度拿捏得好好，唔會過份地甜，又帶到紫糯米嘅香甜味出嚟，加上軟糯嘅芋圓，成碗甜品無論喺賣相、口感，定係香味都引人入勝，雖然我數唔出有邊八寶，但食落真係有好多種配料！整體嚟講，芋圓八寶紫糯米值得推薦。