湯煲私房火鍋 (已結業)

平時打邊爐就打得多，我同老公第一次黎呢間好受歡迎嘅私房火鍋店我地揀左雙拼湯底：老壇酸菜湯+青花椒湯，我最鍾意係青花椒湯底，麻麻鹹鹹味道👅仲帶有清新嘅花香味，越食越開胃！半份手切牛肉肥瘦適中，牛肉嘅紋理好均勻，食落口油脂好豐富，牛肉味超濃郁，肉質都好滑嫩！好有驚喜雙拼：牛丸+帶子丸，手打牛丸真係好彈牙又爽口，仲食到牛肉嘅香味！而帶子丸就真係好足料，入面有粒粒嘅帶子肉，鮮甜十足雙拼：黑豚餃+奶皇包，黑豚餃皮薄餡靚，有飽滿嘅黑豚肉餡料，鹹鹹香香！打邊爐淥奶皇包真係好特別！皮薄薄又煙韌，食落口流心爆哂餡，甜甜地，好好味魚片響鈴全部都係新鮮炸起，熱辣辣上枱！魚皮炸得好香口，而響鈴酥脆，非常可口！沾埋醬汁一齊食仲惹味，停唔到口酸梅湯夠哂冷涼，酸酸甜甜味道，好開胃，消暑解渴解膩一流！餐廳舒適，餐廳店員服務友善，佢地仲同我地講消費滿$1000可free corkage免開瓶費，仲有高質食材湯底！呢間私房火鍋店真係同平時嘅連鎖店好大分別，高質素食材，好好味！店員仲向我地推介下次可以黎食珍饈十三味點心火鍋，可以從34款美點食材，挑選13款，啱哂我地2位客人，想食多啲款式而份量又唔需要多嘅客人！咁我地下次再