Noc Noc

營業中

休息中

呢排唔使返工，諗住約埋朋友出嚟happy hour，我個朋友今日都收早，所以約埋一齊食飯，食完飯出沙田睇戲。其實本人唔係好酒，但係好鍾意食西餐，其實呢間之前都食過，覺得佢嘅嘢幾好食，同埋侍應嘅服務幾好，同埋人又唔算太多，所以特登book返呢度。可能佢啱啱開門冇幾耐，天都未黑就黎，之前我試過七八點你都已經坐滿晒人。我哋兩個都係諗住食少少野，所以就叫咗個牛油果鮮蝦沙律同埋鐵板墨西哥烤雞。啲蝦烤得比較脆身，我自己覺得幾好食，而中間加咗牛油果醬，本人比較喜歡食牛油果，所以呢個沙律好埋我口味。之後就要講下呢個墨西哥鐵板烤雞，本身呢個烤雞有少少辣，上面仲有牛油果，食嘅時候將啲雞同牛油果放喺個墨西哥皮夾住一齊食，份量都幾多，兩個人都爭啲食唔哂，而味道我覺得啱啱好，另外因為有墨西哥皮嘅關係所以食完會有飽肚嘅感覺，下次我都會再食呢個。