影片
更多
2023-01-06
1007 瀏覽
係尖沙咀食完dinner，心思思想食甜品🤤 search到附近有間超高人氣既甜品店，以杏仁為主題，賣相好吸引，即刻黎試下😍 坊間既甜品都係一碗仔，呢度既甜品絕對係加大版，超高CP值✅餐廳裝修溫馨雅致，用左原木色+牛油果綠色設計，環境舒適，座位又唔會太逼，可以同朋友慢慢嘆甜品﹑傾下計。餐廳用QR code落單，選擇都幾多，仲可以追加配料，簡直「杏」福加配❤️♢ 芒椰木蓮凍 $62超巨型甜品，食完超滿足！第一次試木蓮凍，口感似涼粉，清爽滑溜，帶點紅糖味。成碗甜品都用左呂宋芒做base，濃郁香甜，質感好似smoothie咁，絕對唔係水汪汪架！配料都絕不手軟，有椰果﹑芋圓﹑芒果雪糕，口感超豐富！♢ 椰皇湯圓燉雙皮奶 $69原個椰皇送上，超IG-able，送上黎既時候真係好香！呢碗只可以熱食，冬天食完暖笠笠♨️ 雙皮奶好滑溜，仲有唔少蛋白，食到底仲可以畢埋d椰肉食，夠哂真材實料！湯圓都好有驚喜，外皮煙韌，咬落去爆哂餡，黑芝麻好香口，係出面都未食過咁正既湯圓架！湯圓仲有幾種口味可以揀，下次想試埋其他口味～
餐廳裝修溫馨雅致，用左原木色+牛油果綠色設計，環境舒適，座位又唔會太逼，可以同朋友慢慢嘆甜品﹑傾下計。餐廳用QR code落單，選擇都幾多，仲可以追加配料，簡直「杏」福加配❤️
♢ 芒椰木蓮凍 $62
超巨型甜品，食完超滿足！第一次試木蓮凍，口感似涼粉，清爽滑溜，帶點紅糖味。成碗甜品都用左呂宋芒做base，濃郁香甜，質感好似smoothie咁，絕對唔係水汪汪架！配料都絕不手軟，有椰果﹑芋圓﹑芒果雪糕，口感超豐富！
♢ 椰皇湯圓燉雙皮奶 $69
原個椰皇送上，超IG-able，送上黎既時候真係好香！呢碗只可以熱食，冬天食完暖笠笠♨️ 雙皮奶好滑溜，仲有唔少蛋白，食到底仲可以畢埋d椰肉食，夠哂真材實料！湯圓都好有驚喜，外皮煙韌，咬落去爆哂餡，黑芝麻好香口，係出面都未食過咁正既湯圓架！湯圓仲有幾種口味可以揀，下次想試埋其他口味～
張貼
