影片
更多
2025-04-15
331 瀏覽
想食牛扒，諗起觀塘有間食牛扒幾出名嘅餐廳Classy - Seafood & Steak。最近見佢做緊一個優惠，可以喺OpenRice直接以$680食到佢嘅經典雅致二人餐。呢個二人餐已經包咗生蠔同一份靚嘅牛扒，仲有兩份意粉、湯同甜品，唔使左加右加，睇嚟幾抵食。首先會有個熱餐包，餐包數量都幾多。跟住會上一份六隻嘅愛爾蘭生蠔。愛爾蘭生蠔嘅質素好好。首先佢係足夠凍，蠔味亦都可以，點埋海鮮汁唔錯。跟住佢會有三揀二嘅湯款。今晚嘅湯有忌廉湯、蜆肉湯同牛尾清湯。個人覺得啲湯真係surprise，好好飲，完全唔似係一個餐嘅附屬品。跟住嚟咗兩份意粉。呢個係香蒜蜆肉意粉。首先好欣賞佢分開兩份，唔使分嚟分去。其次佢嘅份量唔係太多，唔使擔心會提前食到飽晒。意粉嘅蜆肉好鮮甜，但個人最欣賞佢係夠晒乾身之餘亦好有味道，呢個唔容易做。主菜可以揀炭燒美國黑安格斯肉眼(350g)或者燒完隻法國黃油雞(650g)。作為牛魔王嘅我就揀咗肉眼。事實上呢份肉眼實在太高質，medium rare係完全做到晒。黑安格斯嘅牛味充足，油香足夠，梅納反應亦控制得好，實在係相當不可多得嘅牛扒水平。原本五選二嘅甜品拼盤，因為餐廳未有甜品車嘅關
最近見佢做緊一個優惠，可以喺OpenRice直接以$680食到佢嘅經典雅致二人餐。呢個二人餐已經包咗生蠔同一份靚嘅牛扒，仲有兩份意粉、湯同甜品，唔使左加右加，睇嚟幾抵食。
首先會有個熱餐包，餐包數量都幾多。
跟住會上一份六隻嘅愛爾蘭生蠔。愛爾蘭生蠔嘅質素好好。首先佢係足夠凍，蠔味亦都可以，點埋海鮮汁唔錯。
跟住佢會有三揀二嘅湯款。今晚嘅湯有忌廉湯、蜆肉湯同牛尾清湯。個人覺得啲湯真係surprise，好好飲，完全唔似係一個餐嘅附屬品。
跟住嚟咗兩份意粉。呢個係香蒜蜆肉意粉。首先好欣賞佢分開兩份，唔使分嚟分去。其次佢嘅份量唔係太多，唔使擔心會提前食到飽晒。意粉嘅蜆肉好鮮甜，但個人最欣賞佢係夠晒乾身之餘亦好有味道，呢個唔容易做。
主菜可以揀炭燒美國黑安格斯肉眼(350g)或者燒完隻法國黃油雞(650g)。作為牛魔王嘅我就揀咗肉眼。事實上呢份肉眼實在太高質，medium rare係完全做到晒。黑安格斯嘅牛味充足，油香足夠，梅納反應亦控制得好，實在係相當不可多得嘅牛扒水平。
原本五選二嘅甜品拼盤，因為餐廳未有甜品車嘅關係，就嚟咗一整盆嘅甜品拼盤。呢個拼盤相當誇張，入邊有好多種甜品、布甸、蛋糕甚至生果等，可以慢慢品嚐。
作為一間海鮮扒房餐廳，佢嘅生蠔同牛扒亦相當唔錯，其他dish亦有surprise，係觀塘質素相當唔錯嘅餐廳。
張貼
