餃掂手工餃子雲吞專門店

如果放工想喺中環食返個餃子拉麵， 呢間<餃掂>確係吾錯，餃子隻隻都夠大隻，而且每一隻都包住好多新鮮嘅餡料，鮮味好食。<重慶鮮肉雲吞走辣 $44/12隻>重慶雲吞入面用咗新鮮豬肉餡料，雲吞皮非常之滑。<香煎軟心芝士餃 $69/10隻>芝士餃子非常之大隻，而且煎得好香，個底夠脆，入面嘅餡料非常之多，有粟米、芝士、同埋豬肉，咬落去熱辣辣，入面嘅芝士半溶狀態，流心芝士非常好食。另外叫咗兩碗拉麵，一碗配雲耳椰菜豬肉餃，另外一碗配粟米豬肉餃，麵嘅份量非常之多，拉麵入口軟身而彈牙，上湯餃子新鮮大隻，饀料份量多，高質好食。飲品我哋叫咗一杯山楂雪梨水，山楂同雪梨嘅味道都非常之突出，而且口感濃郁，值得推薦！！整體來講，我都覺得喺中環食到呢一間餃子店，無論餃子同拉麵都做得非常出色，而且價格唔貴，其實呢間小店人客都幾多，建議早點來，就唔使等位喇！！～