宮崎肉本舖 (已結業)

終於有時間黎試下呢間宮崎肉本舖😋一入到黎，個裝修已經好唔錯，d staff都好有禮貌，好好服務👍呢度都有唔同價錢既放題選擇，包括998 898等，而我就揀左998既餐試試佢首先會黎個大拼盤，之後自己可以再order鍾意食既部位。我個人就非常之喜歡食和尚頭，油脂超豐富，真係做到入口即融，d油脂都好香，如果鍾意油脂豐富既人，一定會好鍾意❤️牛肋肉都好正，油脂相比和尚頭少d，但係就多左少少咬口，多左層口感，加埋少少醬汁，真心好食！肉眼扒就可以叫staff幫你燒埋，燒一陣就可以食，帶少少生，個人覺得仲好食！非常之嫩，油脂亦好足夠😋鍾意無咁多油脂既人可以食內後腿肉同外後腿肉，因為d肉好嫩，食得出個質素好好，好美味☺️炸蠔，燒蠔都好好食😋絕對不會失望蟹膏都好推薦，d海鮮都好值得食☺️