牛舞日本燒肉‧涮涮鍋放題 (1亞太中心) (已結業)

自從禁晚市之後好耐都無打邊爐同放題，今次終於約左朋友午市時段去呢間牛舞試下，揀左佢地既薩摩和牛放題餐。食物既種類好多,可以同時燒肉同打邊爐，揀好之後店員就會送上拼盤,有薩摩牛牛肋肉、美國和牛肩小排、牛舌薄切、安格斯一口牛、澳洲和牛腹肉、美國雞腿肉同埋厚切豚腩肉。就咁睇d薩摩牛都睇到啲雪花紋好靚，肉質整體都好嫩滑，而且牛脂味更顯突出，燒肉油脂爆分，打邊爐又另一種風味。海鮮種類都好多選擇，而且整體都唔錯～最後點少得甜品，好多款甜品同雪糕可以揀。