燒肉男 (已結業)

琴晚食SET D，唔洗講一黎到梗係試左塊A5和牛先，勁濃牛味，入口即溶，最好係唔會好油膩，之後仲食到好多唔同款嘅牛。佢有好多款牛揀，個人最愛牛胸腹同三角牛小排。除左牛，仲有好多野燒，豬肉都多款到眼花，但我淨係試左個豬頸肉，肉質爽彈多汁，正!燒海鮮嘅話、推介嘅有海蝦，新鮮開埋邊，蠔同帆立貝都好大隻!另外真係要讚下個刺身蝦，勁新鮮勁甜，我一個人都應該有食左十五、六隻，蝦頭甘甜，啜晒!三文魚就正正常常咁、因為唔好八爪魚就無試...溏心蛋都推薦大家試，比一般出面食果d無咁甜口，反而我幾鍾意呢種少甜口味，個質感都好唔錯!最後試左兩款甜品(我唔鍾意食甜野)，木糠布甸好creamy，土多啤梨mousse都唔錯，有淡淡土多啤梨清香，兩款都唔會太甜。雪糕有movenpick，但我敏感牙齒食唔到...服務方面，無野可以彈啦，個場好爆大家都一腳踢咁，但我地一坐低已經有兩位後生仔埋黎服務我地，收碟勁快又有禮貌，個個員工都好認真做野尤其負責擺盤果位師傅，睇住佢超細心擺靚每一盤肉，食果個都開心d，不得不讚!好啦，讚完，都要講下有咩要改善嘅︰1. 部份食材(封門柳、墨魚仔)我地坐低左無耐就無晒lu，果時先8點3，之