Hot Pot 熱‧海鮮火鍋私房菜 (已結業)

放聖誕假，一定搵定嘢食，見到間新嘢，點都約定成班出去慶祝下啦。點知真係試到間性價比好高嘅火鍋，一大班朋友高高興興又食又飲。刺身好有驚喜呀，條章紅，仲有象拔蚌，好有水準，睇落已經好開心。雞湯翅湯底未食就飲晒大半鍋，以為唔好意思啦，原來侍應已經準備好幫我哋加湯。（服務都好好）火鍋料未得切影相，影得張肉肉花花，其他已經俾朋友趕住落鍋十下十下要食啦。隔籬枱嘅羊腩煲真係搞到我哋又要再叫一個試下，好味到真係，好有水準。下次真係要再試埋個私房菜。