火鍋撚 (雲明行) (已結業)

夏日雖然熱辣辣但都不損我地打邊爐嘅雅興！因為大家都係打邊爐愛好者，所以今次嚟到相當有名嘅中環火鍋撚！我哋叫咗個酸菜白肉鍋同麻辣鍋，酸菜真係好好食，酸菜大家都食到愛不釋手👅👅麻辣果邊都好食，食得出佢唔係味精味，麻香味好濃，惹味！我地跟著叫左新鮮既手切肥牛，仲有生猛田雞（真心跳緊架，好鮮呀。 ）不得不提有個黑松露爆漿牛丸，好惹味又創新呀 ！即炸響鈴，仲可以就咁食，脆卜卜 ！仲有個好特別嘅水晶奶皇包，開頭覺得好搞笑以為係點心但係又有啲驚喜喎！ 我就覺得落麻辣嗰邊味道更佳，可以試試！食完仲有腐竹糖水沙冰送，清清地唔好太甜，下次會再約邊爐之友去！