天鳥居酒屋

營業中

休息中

天氣咁凍，最啱就係打邊爐！我同老公去咗天水圍頌富商場嘅天鳥居酒屋度打邊爐👍店舖裝修雅致，有好多座位，而且座位闊落，坐得舒服👍佢嘅任食火鍋放題價錢唔算貴，但食物質素好高，下次會再嚟👍✨五花腩豚肉餐我同老公叫咗五花腩豚肉餐，我哋叫咗藥膳醉雞鍋湯底，個湯底好濃入面有北芪黨參同紅棗等，又有醉雞喺入面，個湯底好濃嘅藥膳味，好養生👍✨豚肉佢嘅豚肉好靚，食落去好嫩，又唔肥，又有咬口，好食👍✨火鍋配料 37款佢有好多火鍋配料可以揀，我哋揀咗陳皮魚蛋、厚切午餐肉、蟹柳棒、金菇、鮮冬菇、秋葵、蘿蔔、萵筍、蓮藕、唐生菜、烏冬等，食左勁多🙈要讚吓佢嘅陳皮魚蛋，細細粒，可以一啖一粒，好彈牙！佢嘅冬菇好大粒！烏冬係手打烏冬，好彈牙！全部配料都好新鮮，好好味👍✨小食 20款我哋叫咗知道中華沙律青瓜螺肉、三重芝士大蝦反卷，其實仲有好多小食都好想試，但因為食火鍋配料都已經飽飽地，試唔到太多小食🙈要推介吓佢哋嘅三重芝士大蝦反卷，真係整得好好味👍✨生蠔味噌湯生蠔味噌湯好好飲，唔太濃，亦唔會太淡，調味得啱啱好，又有鮮味👍仲有各款飲品可以自己揀，放題真係好滿足，仲要樣樣都又新鮮又好味，食到捧住個肚走👍