天鳥居酒屋

營業中

休息中

住喺天水圍咁多年都好少留喺天水圍食飯，同屋企人諗住出街食，你都頌富都有好多餐廳做選擇。而屋企人比較少食日本嘢，所以我哋今晚就試吓呢間居酒屋。佢除咗單點之外，原來仲有做埋任食，佢個場都幾大，成個裝修都好有日式居酒屋feel。佢任食任飲，除咗平時汽水紙包飲品之外，仲包埋sake同埋啤酒。每一個set都會送一個拼盤，分別係兩款牛兩款豬。無論豬定牛都不相伯仲，都夠晒腍，係唔錯嘅。個湯底我哋揀咗花膠雞湯底，佢入邊都有成四五嚿花膠，仲要煲到勁腍好入味，真係膠原滿滿嘅感覺。配菜方面我幾想講嘅係佢一個叫做QQ豚肉餃，茄特別唔係個餡，而係個皮，真係平時食開其他餃子好唔同，煙煙韌韌真係好特別。而我哋叫咗個係豬腩肉set ，不過後尾可以任食嘅豬腩肉同埋佢送嘅拼盤就好明顯有啲唔同，送嗰款咁爽脆比較腍身。另外啲人唔少嘅熟食，而佢呢度嘅炸蝦真係好鬆脆，呢個值得無限encore。薯餅都係好好味，牛味好重，再加埋薯蓉甜甜地又炸到咁鬆脆，真係冇得輸。然後我喺個餐單上面見到有一樣嘢叫做包皮薯條，好奇心驅使之下想睇吓係咩嚟，原來係有皮嘅粗薯條，佢哋都炸得幾好，所以其實佢哋呢度嘅炸物都真係幾出色。原來呢度仲有一個叫做必飲生蠔

這間日本火鍋放題的選擇真係幾豐富！環境寬敞，坐得舒適，適合慢慢嘆住打邊爐傾計。 價錢方面：星期一至五晚市$208一位，加$20可以揀鴛鴦湯底，以放題價來講算係中等，性價比唔錯。 湯底: 我哋揀咗朝鮮泡菜鍋 同 胡椒豬骨鍋。泡菜鍋帶微辣，味道濃郁，煮肉類或者午餐肉特別惹味。胡椒豬骨湯比想像中溫和，唔算太辣，但飲落幾暖胃。 食物選擇:五花腩豚肉切得唔算太厚，油脂適中，煮完都保持嫩滑。雞件一般，但勝在夠哂嫩。其他配料有73款可選，基本上鍾意乜就點乜。黑松露炸薯條香脆得嚟帶少少松露香，吉列炸蝦炸粉唔會太厚，算係水準之上。青瓜螺肉口感爽口，櫻花蝦椰菜絲凱撒沙律清新解膩。 甜品: 食完火鍋當然要來點甜品！雲呢拿雪糕杯味道正常發揮，芝麻味雪糕糯米糍幾特別，芝麻味香濃，糯米皮煙韌。 整體嚟講，呢間火鍋放題選擇夠多，食材新鮮，適合三五知己慢慢歎住食。如果鍾意試多款唔同配料，呢間值得一試！

呢間居酒屋有任食火鍋食啦！五花腩豚肉餐 $208/位 五花腩豚肉切得厚薄適中，油花分佈均勻，吃起來既嫩滑又有嚼勁。搭配壽喜燒的湯底都幾夾但最出色係滑雞 真係好滑又大大件多樣配菜同小食！ 午餐肉、炸蝦和炸雞塊等多樣小食，即炸即食！充滿驚喜。尤其是吉列炸蝦，外脆內嫩，值得一試。炸物好出色！素食選擇豆腐、金針菇、蓮藕等素食選擇，讓整體餐點更加均衡，適合不同口味的人士。甜品同飲品都係任食芝麻味雪糕糯米球的甜度恰到好處，作為餐後甜品非常解膩。

🍻 隱藏於天水圍嘅小天地🍻(天水圍人必去)✨ 入去就覺得好輕鬆自在，裝修好日式，令人好快就放鬆落嚟。🍣 ：好新鮮，魚生入口即化，絕對係味蕾嘅享受。🍢 ：啲燒串好香，又多汁，雞肉牛肉同蔬菜都烤得啱啱好。🍜 ：湯底濃郁，麵條彈牙，再加溏心蛋，食到停唔到口。🍶 ：選擇多，而且每款都好有特色，真係值得一試。🙋‍♂️ ：親切熱情，員工好有禮貌，令人好舒服。無論食物定環境都幾正，食完包你滿意👍

天水圍天鳥居酒屋暖冬火鍋盛宴香港嘅天氣居然仲凍過台灣😌，今晚入天水圍，除咗要畀手信老豆之外，順度去T Town嘅《天鳥居酒屋》打個邊爐先！🫕衣度嘅裝修很有日本氣氛🎏，而且晚市的日式放題火鍋套餐更加令人難以抗拒。😏 價錢最平168蚊就可享用火鍋放題，持有樂悠卡或生日🎂仲要再有優惠，只是108蚊！套餐包括超過100款嘅火鍋配料，仲有日本清酒任飲，真係超值。😉湯底我地選了甜甜地，帶點鮮味的「壽喜燒」。除了豐富嘅火鍋配料，蔬菜中還有近年熱爆的羽衣甘藍🥦及一系列特色小食，其中一道前菜要推薦俾大家，就係「生芥辣八爪魚🐙小食」了，用紫菜夾上伴有生芥辣彈牙的八爪魚，食落味蕾夠晒刺激。😍食完火鍋之後，仲有多款甜品任點，雪糕杯就有曲奇味及雲呢拿味，還有雪糕糯米糍添！真係好滿足呀！🤩

今日去咗呢間天鳥居酒屋🏮朋友係打邊爐控，見到出咗限時放題火鍋又去試下先！今次簡咗呢款五花腩豚肉套餐，可以任食豬五花豚肉，豬腩肉可以吸收湯汁的味道，口感軟滑！天鳥有好多款湯底，今之試咗壽喜燒湯底好濃郁香甜醬油味，配咗多款蔬菜仲有我最鐘意食QQ水晶粉我覺得呢個套餐最吸引係可以叫70幾款火鍋配菜同日式小食，當中最吸引當然係壽司！我試咗兩款❤️三重芝士大蝦反卷呢款反卷入面包咗大大隻炸大蝦為主料，外層鋪咗燒溶咗芝士，非常濃郁！加州卷加州卷外面撒滿蟹籽，入面有齊蟹柳、青瓜內餡，一啖食落去有齊幾種口感！炸物都係必叫，炸大蝦🍤炸雞火辣辣；多款wasabi八爪魚🐙辣味十足非常刺激📍天鳥居酒屋Tentori Izakaya天水圍天華路33號T Town North 2樓N212號舖

呢間居酒屋好有日本感覺，坐位好闊落，2個人食火鍋放題夠哂位放野食。今日揀左五花豚肉火鍋放題，除左可以火鍋之外仲可以食放題，真係幾特別又多野選擇。揀左胡椒豬骨鍋，湯底好濃郁，滿滿胡椒味，好足料，令每樣配料吸哂湯汁，好入味。火鍋配料好新鮮菜嘅選擇亦都好多，連羽衣甘藍都有。炸物全部都即叫即炸熱啦啦好好味，黑松露蝦片嘅黑松露醬好好食點炸物更好食。日式小食同手捲都好新鮮，仲有芥末八爪魚唔係度度有得食幾特別，全部嘢味道都唔錯。下次再嚟要試下佢嘅牛套餐，見到隔離枱食全部都係靚牛。

$198起嘅日式火鍋放題，原來留喺香港都可以食得到😍！天水圍嘅呢間日本餐廳，五花腩豚肉套餐火鍋連日式放題，晚市都係$200有找🫶🏻。呢度最大嘅賣點仲有清酒任飲🙌🏻！而且仲係雪櫃自己攞，唔需要落單。肉類有鮮雞件同埋五花腩豚肉，配埋自選嘅壽喜燒湯底真係好夾，甜香嘅湯底味道令到肉嘅油脂香味更加鮮香🔥。放題仲可以嗌唔同嘅日式前菜小食，等水滾嘅時候都可以食住先，特別推薦紫菜包芥末魷魚，又爽脆又惹味✨。當然唔少得仲有唔同嘅日式炸物，仲有黑松露醬薯條添💖。最後仲可以嗌埋好多款、都係任食嘅雪糕🫶🏻。

呢間位於天水圍嘅日式火鍋放題，成人都只係$168起😍！仲包埋清酒無限任飲😎！舖頭位於頌富商場裏面，落雨天搭輕鐵嚟食，可以喺天橋無縫接軌入去商場，啱晒一班人聚餐👍🏻。.🐷五花腩豚肉套餐呢個就係呢度最平嘅套餐，有73款食物選擇，仲可以任食100分鐘😆。以價錢嚟講，真係冇得輸！而且可以喺雪櫃裏面仼攞冰凍清酒同埋各款酒水🔥。有五花豚肉同埋雞件可以烚，仲有多款蔬菜同埋其他火鍋配料，配埋味道超日系嘅壽喜燒湯底真係好正😋。.🍱小食所有火鍋套餐都會包埋舖頭嘅多款小食，由生蠔味噌湯🦪，到各款卷物、天婦羅都有得揀🍤。而且呢度嘅甜品同埋雪糕都係無限任食🍨。

聽朋友講某天水圍商場入面有間平價性價比高任食火鍋放題，以日本🇯🇵居酒屋裝潢，環境寬敞舒適之餘，仲可以任食指定壽司小卷🍣、任飲清酒🍶、啤酒🍻等。佢有4️⃣個套餐選擇包括美國牛頸脊🐮套餐、極上安格斯牛小排🐮套餐，以及日本A5宮崎和牛🐮套餐不過今次GG就揀咗全場最平嘅1️⃣0️⃣0️⃣分鐘📌「五花腩豚肉🐷套餐」主打五花腩豚肉🐷分別有✨北海道白豚肉眼🐷🩷粉嫩嘅肉身與白色嘅脂肪比例分佈得非常適中，口感細嫩幼滑，有入口即化嘅感覺、肉味較為濃郁甘甜✨五花腩豚肉🐷為豚肉腩部嘅位置，所以脂肪較多，肥而不膩，肉味醇厚，口感較有彈性同爽口，嚼感十足鮮雞件🐔🩷肉質嫩滑，味道鮮美，有唔同嘅部位包括雞翼、雞髀、雞胸肉9️⃣款湯底🍲包括濃湯蕃茄鍋、朝鮮泡菜鍋、日式地獄鍋小辣、日式壽喜燒鍋、胡椒豬肚鍋、養生藥膳醉雞鍋、鵝血麻辣鍋、北海道日出昆布豆腐鍋，多加$20就可以有，鴛鴦鍋。而GG就揀咗最人氣嘅滋補花膠雞鍋🩷，湯底以花膠、雞白湯、杞子同鮮雞件等熬成，真材實料3️⃣3️⃣款火鍋配料例如有即炸響鈴🩷、阿中黃金魚蛋、貓爪型蝦丸、黑豚QQ水餃、蟹柳棒、午餐肉、日本雞蛋、芝士腸、雞肉腸、金菇菜、靈芝菇、秀珍菇、鮮冬菇🩷、秋葵、冬瓜、粟米、蘿蔔、蒿筍、

天氣咁凍，最啱就係打邊爐！我同老公去咗天水圍頌富商場嘅天鳥居酒屋度打邊爐👍店舖裝修雅致，有好多座位，而且座位闊落，坐得舒服👍佢嘅任食火鍋放題價錢唔算貴，但食物質素好高，下次會再嚟👍✨五花腩豚肉餐我同老公叫咗五花腩豚肉餐，我哋叫咗藥膳醉雞鍋湯底，個湯底好濃入面有北芪黨參同紅棗等，又有醉雞喺入面，個湯底好濃嘅藥膳味，好養生👍✨豚肉佢嘅豚肉好靚，食落去好嫩，又唔肥，又有咬口，好食👍✨火鍋配料 37款佢有好多火鍋配料可以揀，我哋揀咗陳皮魚蛋、厚切午餐肉、蟹柳棒、金菇、鮮冬菇、秋葵、蘿蔔、萵筍、蓮藕、唐生菜、烏冬等，食左勁多🙈要讚吓佢嘅陳皮魚蛋，細細粒，可以一啖一粒，好彈牙！佢嘅冬菇好大粒！烏冬係手打烏冬，好彈牙！全部配料都好新鮮，好好味👍✨小食 20款我哋叫咗知道中華沙律青瓜螺肉、三重芝士大蝦反卷，其實仲有好多小食都好想試，但因為食火鍋配料都已經飽飽地，試唔到太多小食🙈要推介吓佢哋嘅三重芝士大蝦反卷，真係整得好好味👍✨生蠔味噌湯生蠔味噌湯好好飲，唔太濃，亦唔會太淡，調味得啱啱好，又有鮮味👍仲有各款飲品可以自己揀，放題真係好滿足，仲要樣樣都又新鮮又好味，食到捧住個肚走👍

今次去咗天水圍T Town嘅天鳥居酒屋食晚市指定嘅「五花腩豚肉套餐」，性價比超高！ 首先湯底揀咗豬骨湯底，湯底濃郁香甜，滾起個陣啲香味已經令人流口水。五花腩豚肉真係冇得彈，油花分布靚到發光，燙一燙豬骨湯之後，肉質軟嫩多汁，入口即化，鍾意食肉嘅朋友一定要試！ 配料方面，有多款蔬菜同豆腐，加埋日式炸物，最正係可以配埋壽司同 芝士年糕，變化多又夠飽肚！成個放題體驗，滿足感十足。 環境方面，天鳥裝潢好有日式居酒屋feel，氣氛輕鬆，啱晒同朋友一齊嚟邊食邊傾計！加上服務態度好親切，落單上菜速度都夠快，絕對值得推介！

天水圍T Town 嘅天鳥居酒屋任食火鍋放題，性價比很高。我同朋友揀咗五花腩豚肉套餐，白豚肉眼真係好好依，肉質嘅味道肉味濃郁，肥瘦均勻保留到適中嘅油脂感外，仲咬到肉質嘅爽口。估唔再配壽喜燒湯底都會好夾好惹味。火鍋配料都應有盡有，蔬菜，丸類，豆品都任叫，滿足哂所有願望。日式壽司小食呢個都幾驚喜，而且每款都食得出用心製作，絕對不是湊個數嚟出品，同埋可以任叫真係超值，特別推介佢地嘅面豉湯，超鮮味嘅蠔味，我都飲左好幾碗，一定要試。另外仲有一堆啤酒汽水無糖茶可以可以任飲，大人小朋友都照顧到。

天水圍日本料理餐廳———天鳥🇯🇵最近有新搞作，就係任食火鍋🍲放題，今次來天水圍食飯，當然餵飽自己，食下火鍋放題啦😋挑選最抵食既五花腩豚肉套餐晚餐時段 $198 成人，有$66 款火鍋料同小食可以選擇，食足100 分鐘😋我們就點左滋補花膠雞鍋，湯底有花膠，養顏又滋補養生😊首先湯滾飲返碗花膠雞湯滋潤下，之後拿拿臨點野食啦，手機落單，首選當然係出名既五花腩豚肉啦，呢個豚肉口感同肉質也不錯👌打邊爐真係一流🤪另外菜類，雞肉，丸類都好好多可以選擇，熟食就有壽司，炸物，小食冷盤，應有盡有，味道也是不錯😌最後都係食得捧住肚走，今晚真係大滿足啦🥰

冇幾可嚟到比大西北更大西北嘅地方，嚟得原來不外乎想遠避市區嘅物價呢間天水圍嘅日本居酒屋好抵玩，火鍋放題價極平首先揀咗湯底先，滋補花膠雞湯好啱呢個轉季乾燥嘅日子飲，雞肉勁嫩滑，湯底好濃花膠香氣，打邊爐之前要飲返兩碗先呢個套餐有包任食五花腩豚肉、北海道白豚肉眼同鮮雞件豚肉肉質好爽彈，而且幾大塊，雞件都係好滑溜，同湯料一樣正仲有其他火鍋配料嗌，例如餃子、丸類、菇類、蔬菜、麵飯等等，最令大胃impress嘅係黑豚QQ水餃，餃皮Q彈到佢呢，好想再encore除咗打邊爐，仲有壽司嗌，有唔同嘅反卷同太卷選擇。其中三重芝士大蝦反卷都幾抵食，芝味十足又多餡。蟹柳小卷都唔錯，細細粒好易入口炸物都好足磅，有薯條、蝦片、炸雞、炸蝦等等當中牛肉薯餅同芝士年糕最令人一再回味，想食多件一定要留肚仲有枝豆、櫻花蝦沙律、中華沙律、螺肉等等可以送吓酒生蠔味噌湯都唔錯㗎，真係有粒生蠔喺湯裡面飲品櫃裡面有唔同嘢飲，亦有啤酒同sake仲有雪凍咗嘅酒杯畀大家用，好細心呀！食完可以嗌雪糕，本地品牌味道都好特別