影片
更多
2024-09-01
502 瀏覽
一個人偶爾獎勵吓自己食好啲，等仔仔興趣班落堂喺商場食咗呢間有幾間分店嘅海街丼. 餐廳裝演充滿日系風情，成間居酒屋咁🏮. 小店座位不多，有吧枱亦有卡位仲好闊落. 食物上菜速度好快手. 熱茶夠濃味唔錯👏🏻 ⭐️刺身拼盤（三點）每日新鮮空運到港. 厚厚嘅吞拿魚同油甘魚魚生片油脂飽滿又新鮮，仲有大大粒鮮甜嘅帶子，每樣三件，高質. 另外仲有兩點或者四點可供選擇，豐儉由人. ⭐️海寶丼（特上）呢碗招牌丼飯之一面頭鋪滿新鮮食材. 賣相精美. 除咗兩隻大蝦、海膽、蟹肉、三文魚籽等，丼內有不少種類角切魚生，真係啖啖飯都有料㗎，口感超豐富. 自製壽司醋果凍好特別配搭白飯好開胃. 最欣賞係每個海鮮丼飯都會跟埋鮮魚製成嘅魚湯，店員建議食到三份一嘅時候就可以將用保溫壺裝住嘅熱湯自製茶漬飯. 一丼兩食，正👍 咁多特色$200左右又好值喎. 雖然整體價錢喺將軍澳嚟講唔算平，不過餐廳已經喺區內屹立左幾年，附近嘅餐廳都多次易手，證明有質素嘅都會有好多捧場客㗎. 唔去將軍澳嘅朋友都唔緊要，觀塘同埋北角都有鋪㗎.
食物上菜速度好快手. 熱茶夠濃味唔錯👏🏻
⭐️刺身拼盤（三點）
每日新鮮空運到港. 厚厚嘅吞拿魚同油甘魚魚生片油脂飽滿又新鮮，仲有大大粒鮮甜嘅帶子，每樣三件，高質. 另外仲有兩點或者四點可供選擇，豐儉由人.
⭐️海寶丼（特上）
呢碗招牌丼飯之一面頭鋪滿新鮮食材. 賣相精美. 除咗兩隻大蝦、海膽、蟹肉、三文魚籽等，丼內有不少種類角切魚生，真係啖啖飯都有料㗎，口感超豐富. 自製壽司醋果凍好特別配搭白飯好開胃. 最欣賞係每個海鮮丼飯都會跟埋鮮魚製成嘅魚湯，店員建議食到三份一嘅時候就可以將用保溫壺裝住嘅熱湯自製茶漬飯. 一丼兩食，正👍 咁多特色$200左右又好值喎.
雖然整體價錢喺將軍澳嚟講唔算平，不過餐廳已經喺區內屹立左幾年，附近嘅餐廳都多次易手，證明有質素嘅都會有好多捧場客㗎. 唔去將軍澳嘅朋友都唔緊要，觀塘同埋北角都有鋪㗎.
張貼
