朝

營業中

休息中

朝ASA係位於太子大南街嘅日式居酒屋，餐廳主題圍繞住月亮主題，裝修時尚帶神秘感🌙今次係事隔一年之後嘅二訪，今次點嘅食物同上次完全唔同，但同樣覺得滿意！book咗平日8:30pm食，一去到全場滿座，氣氛很好！-左口魚邊蟹柳卷左口魚係必點壽司！呢款壽司卷物層次豐富，首先係炙燒過的左口魚，油香鮮美十足！搭配蟹柳同清新嘅青瓜絲非常美味，另外擺盤都好靚。-刺身 - 吞拿魚腦天3切選用優質的魚腦部位，油脂豐富，最重要係無筋，所以到入口即化效果！-海膽帆立貝海苔包燒到非常香脆嘅海苔，包住炙燒過的帆立貝，上面係海膽同三文魚子，一淡放入口，好難拒絕嘅幸福。-牛油燒蟶子燒蟶子選用肥美的蟶子肉，有手掌咁大隻size！一上枱就聞到好香牛油味，蟶子表面燒到微焦，但咬入去鮮嫩多汁，略帶鹹香。-鹽燒牛舌牛舌厚身，肉質軟淋彈牙。外層燒到微焦，點埋芥末一齊食味道更豐富！-邪惡明太子撈烏冬必點嘅邪惡主食之選！忌廉奶油+烏冬+明太子，再加上少少黑椒碎撈埋一齊，係難以抗拒嘅美味。