Sweet Craft (已結業)

☞ 一直都bookmark咗呢一間餐廳好耐㗎喇，一直都無機會試🥺有日食完晚飯唔係好飽就嚟呢到餵飽我第二個胃😆.🍴焦糖海鹽粉雪冰（$50）❖ 面頭honeycomb唔痴牙，配埋隔離嘅海鹽cream食好正😋 而中間有啲粉雪冰但無乜味，配埋好甜嘅honeycomb食就好夾喇～最底仲會有雞蛋布甸，感覺同上面啲冰唔係好夾😂但整體嚟講都算幾好食👍🏻🍴胡麻雪花（$32）❖ 芝麻控必嗌✨😋一入口好重芝麻味，開頭食落會覺得有啲太甜，但食多幾啖可以配埋底部嗰啲脆米，脆米好咸所以可以中和返雪糕個甜味，但係同時都會搶走咗少少芝麻味🤥☞ 整體嚟講環境坐落幾舒服，下次路過嘅話會再試吓佢其他味嘅粉雪冰😆👍🏻