影片
更多
2022-01-29
136 瀏覽
最近聽朋友介紹咗一間高質嘅日本餐廳，一直都冇時間去試。趁星期日經過銅鑼灣，就去咗呢間比較隱世嘅日本餐廳 - 漁獲浜燒。因為佢係一間樓上鋪，所以平時難啲發現。但品嚐過佢特色嘅料理，印象實在令我難忘。特製黑松露炙燒平目魚邊沙律我只會用一句形容呢一道沙律 - 「人生中食過最好食嘅沙律」。我本來都對一般嘅沙律唔會有太大期望，只會當作前菜，希望可以提升胃口。但呢一道沙律實在十分出色。酸甜嘅醬汁配上黑松露嘅點綴，再加上比目魚嘅魚油香咪，將呢一道前菜提升到去另一個層次。甚至食完之後十分鐘，我都一再回味呢一道沙律帶嚟嘅驚喜。波士頓龍蝦活貝浜燒盛合（波士頓龍蝦升級喜之次）呢一道盛合，係由唔同嘅新鮮活海鮮，精心料理而成嘅。材料包括一隻活龍蝦，同埋其他三種唔同嘅貝類。而本身鍾意食魚嘅我，今次就將活龍蝦升級到喜之次。同樣地味道一樣令人滿足。喜之次喜之次貴為深海魚王，盛產於北海道，日本本地出產本身已經唔多，今次就有幸喺香港食到。餐廳採用嘅烹調方法係原條炙燒，完美咁鎖住左喜之次嘅香油香，亦保留左鮮嫩嘅肉質。配上檸檬汁或者酸汁，更加將成條魚嘅味道更加突出。總括而言，無論係材料同埋烹調方法上，都冇得彈。北寄貝/文蛤貝
特製黑松露炙燒平目魚邊沙律
我只會用一句形容呢一道沙律 - 「人生中食過最好食嘅沙律」。我本來都對一般嘅沙律唔會有太大期望，只會當作前菜，希望可以提升胃口。但呢一道沙律實在十分出色。酸甜嘅醬汁配上黑松露嘅點綴，再加上比目魚嘅魚油香咪，將呢一道前菜提升到去另一個層次。甚至食完之後十分鐘，我都一再回味呢一道沙律帶嚟嘅驚喜。
波士頓龍蝦活貝浜燒盛合（波士頓龍蝦升級喜之次）
呢一道盛合，係由唔同嘅新鮮活海鮮，精心料理而成嘅。材料包括一隻活龍蝦，同埋其他三種唔同嘅貝類。而本身鍾意食魚嘅我，今次就將活龍蝦升級到喜之次。同樣地味道一樣令人滿足。
喜之次
喜之次貴為深海魚王，盛產於北海道，日本本地出產本身已經唔多，今次就有幸喺香港食到。餐廳採用嘅烹調方法係原條炙燒，完美咁鎖住左喜之次嘅香油香，亦保留左鮮嫩嘅肉質。配上檸檬汁或者酸汁，更加將成條魚嘅味道更加突出。總括而言，無論係材料同埋烹調方法上，都冇得彈。
北寄貝/文蛤貝/帆立貝
呢三種貝類分別都係用高湯烹調而成。由於佢採用嘅係新鮮嘅活食材，入口嘅時候完全感受到新鮮彈牙嘅肉質。鮮嫩嘅貝肉，浸泡喺熱辣辣嘅高湯入面，盛載喺原隻嘅貝殼上，就好似喺海邊食緊啱啱捉上嚟嘅貝殼類一樣，非常滿足到鍾意食貝類嘅我。
蟹肉黃金海膽炒飯
由細到大我都係無飯不歡嘅。所以品嚐完上面咁出色嘅海鮮之後，我都叫咗呢一道蟹肉黃金海膽炒飯黎填飽自己個胃。呢道炒飯用咗新鮮嘅蟹肉同埋晶瑩嘅珍珠米，咀嚼起上嚟嘅時候非常有嚼勁。加上海膽嘅點綴，都令到呢一道炒飯好出色。
果味汽酒（巨峰味）
呢一杯巨峰味汽酒，清香得來帶一點酒精嘅魅力，為每一道料理中間帶嚟好好嘅過度。每品嚐一到海鮮之後，淺嚐一啖汽酒，都可以將口入面嘅菜式餘韻稍稍清空，預備品嚐下一道菜色。
張貼
