町町丼丼 (駱駝漆大廈2座) (已搬遷) 新店位置

地址－町町丼丼觀塘開源道62號駱駝漆大廈2座10樓A室💋韓式部隊鍋(配烏冬)，居然部隊鍋可以外賣，咁我就當然叫黎試下啦，佢都好貼心地將烏冬同湯分裝，就算路途再遙遠都好，都唔怕會浸到漲晒，值得一讚，佢D配料方面同平時所見的都會出現，都係會有茄汁豆，腸仔，午餐肉等，最正係佢D牛糕煙煙韌韌咁，而且佢個湯底夠辣，所以食得好滿足，配埋D彈牙嘅烏冬，令人不禁咁食左唔少，嘻。💋汁燒鰻魚丼，佢比的鰻魚都唔算細條，食落冇細骨，唔錯，我好怕鰻魚有D細骨，所以我平時都食食得格外小心，佢魚質爽滑，佢D鰻魚汁比得好慷慨，配埋鰻魚一齊食，勁正，佢D珍珠飯索晒D鰻魚汁，好好送飯。💋磯燒魷魚天婦羅配黑椒蛋黃醬，呢個一開蓋時就有陣紫菜味薯片的香味噗鼻而來，佢比數量都唔少，佢個表層有D紫菜碎，食落唔錯，而佢裡面的魷魚勁彈牙，蘸埋佢個黑椒蛋黃醬，帶一點香辣，正。💋榴槤炸彈(4粒)，真係估唔到外賣都有得揀榴槤炸彈，朋友同我都係榴槤的狂熱份子，咁當然叫黎食啦，仲使講咩！佢就算拎到回家都仲保持住外脆內煙韌的口感，一咬開就有榴槤餡咇出黎，勁正！