町町丼丼 (駱駝漆大廈2座) (已搬遷) 新店位置

之前係度叫左個外賣，滑蛋吉列豬扒丼，睇去上黎唔錯，外相都幾好。蛋就中規中矩，還算可以，豬扒炸到金黃色，都幾有肉汁，算酥脆，味道未到非常好食，但可以說是中上了。以7,8十元的價錢來說，尚好，所以都值得幫襯了。

係foodpanda 見到D 相唔錯，加上外賣自取7折，所以就試試佢，點知去到拎外賣先發現堂食半價🤥 Total 試左3樣野食，味道不過不失，唔難食，但都唔算好食😂📌咖喱唐揚炸雞烏冬咖喱味道係一般supermarket 買到嘅日式即食咖喱，炸雞份量都多同大件，不過可能因為外賣關係，炸雞皮已經淋咗唔脆，烏冬係日式手打烏冬，煙韌彈牙。📌滑蛋吉列豬扒丼煎蛋有少少過左火，唔夠滑，吉列豬扒炸到金黃色，賣相都靚仔，豬扒唔算好juicy，不過都可以接受。📌泡菜豆腐豚肉鍋 (配飯/ 烏冬)泡菜湯酸酸辣辣夠惹味，好開胃，豆腐好嫩滑，咸度配飯啱啱好。

觀塘覓食吃什麼？ 這次去了家人氣丼飯店，是家吃日式丼飯的專門店，在港有好幾家分店😆。主食做半價優惠，堂食和外賣也可以，挺受附近上班族歡迎的😎。餐廳環境簡約舒適，食物選擇多元化🙈。-▪︎白桃四季春｜炭燒烏龍 HKD$14冷泡茶有數款選擇，淡茶到濃茶也有😆。白桃四季春是淡茶，茶味清香微甜。炭燒烏龍是濃茶，茶味濃厚不苦澀。-▪︎汁燒鰻魚串HKD$32｜磯燒魷魚天婦羅 HKD$42小吃也有十多款，這次選擇兩款燒物。鰻魚串的味道較香，肉質嫰滑無骨😍，醬汁味道濃厚。磯燒過後的魷魚，再用天婦羅漿炸成，脆漿薄透肉質爽口🤤。-▪︎咖喱吉列豬扒丼 HKD$39這個味道較香的主食，吉列豬扒是金黃色的賣相。做到外脆內軟的口感，肉質腍身挺香油脂味🤤。日式咖喱的味道特別，是微甜中帶微微辣味。-▪︎和風牛肉丼蕎麥麵 HKD$39牛肉的份量算是多的，肉質嫰滑肥瘦均勻。蕎麥麵有凍或熱食，個人喜歡吃凍的，夏天吃感覺較涼爽☺️，麵質爽口醬油咸中帶甜。-

店舖行自助制，但指示不清晰，沒有店員幫助。店舖內沒有任何店員，店員在旁邊的辦公室及廚房內，即使你需要幫助行去辦公室，他們看見你也不會理你，你問他們問題也會扮聽不見。偶爾會有一個侍應來送餐，但你問那個侍應問題，她也不會理你。我們Scan QR code後耐心等待了15分鐘也沒有食物，所以就去尋找店員幫助，前後去了辦公室三次才有一個人幫忙，當時已經點了餐30分鐘。他說是留了我們的訂單，叫我們繼續耐心等候，只是簡單道歉了一句。問他為什麼之前的店員全部都扮聽不見我們說話，他回答我說他聽不明白我在說什麼，然後走了。比起憤怒，我們更多的是感到奇怪及「特別」😅 雖然食物味道正常，說不上好吃，但對得起價錢，但絕對不會再回這餐廳，也絕對不會向任何人推薦這餐廳。順帶一提，餐廳非常細，但沒有窗戶，只有一道很窄的門，所以任何人只要細細聲說話，就會有很大回音，所以餐廳內非常嘈吵，明明只有10幾人，卻像有幾百人的茶樓一樣吵。

在駱駝漆大廈見完客，同一層樓數， 走入一間食堂，日式簡约裝修，入內吃一個快既午餐。日式咖喱豬扒蛋飯，咖喱味道一般的可接受；豬扒炸得內嫩外皮鬆脆，豬扒都有一定水準。顧客以年青OL為主，一邊吃一邊聊天，剛聽到在提及供樓的苦況，两公婆為了供樓節衣縮食，晚上在家吃餐或拿外賣回家進食。在加息下，已無餘款去享受每年幾次的外遊。服務員，傳菜員，收銀員，此刻只有1個有禮貌勤快的少女。有朝氣。環境方面，店內有輕鬆日文歌不斷播送，氣氛感覺良好，做得好。衛生做到十分整潔，值得讚。下次會試吓其他分店。

約左家姐姐夫行觀塘駱駝漆，除左買野的小店多之外，餐廳食肆都唔少。今次就揀左間日式丼飯專門店，分店遍佈九龍和港島。餐廳內環境舒適，提供各類型的丼飯之外，亦有不少日式小食。 ⦁二人餐 $98尼份二人餐非常划算，就有兩個指定丼飯（滑蛋香煎雞扒丼🍱、咖喱吉列豬扒丼🍱）、指定小食（日式炸餃子🥟）、2罐可樂。兩款丼飯飯量好足，雞扒嫩滑多肉，另外吉列豬扒同咖哩分開放，keep到吉列的酥脆口感，而且咖喱汁都好多！👍🏻👍🏻👍🏻 ⦁胡麻手撕雞丼🍱 $39⦁白桃四季春 $14另外仲單點左胡麻手撕雞，和風口感，手撕雞亦好嫩滑。白桃四季春的茶味清香🍵，帶有淡淡的白桃香味🍑，感覺清新！

夜左收工十分之肚餓， 跟同事齊齊搵食☺️， 佢話近近地係駱駝漆大廈2期的#町町丼丼 開餐，是一間丼飯專門店，可外賣🥡又可堂食，價錢實惠，就點左幾樣食物一齊分享吓☺️。🍱滑蛋雞扒丼，雞扒調味剛好又大塊，滑蛋炒得幼滑，好正有超多我喜歡的炒洋蔥🧅，一併食就是很美味。🥘北海道3.6牛乳芝士雞鍋配烏冬，見食材很多，有蟹柳、金菇、娃娃菜同粟米粒，烏冬爽口順滑，配埋芝士超好吃😋。各人配多隻溫泉蛋同埋加多個脆炸芝士球👍☺️

#20230415 🤍📍 町町丼丼 @machidonburi 觀塘開源道62號駱駝漆大廈2座10樓A室 🍽️荔枝角｜鰂魚涌｜中環｜九龍灣均有分店➖➖➖➖➖➖➖➖➖➖➖➖➖➖➖➖➖➖#壽喜燒牛肉鍋 #烏冬 $48💭 由搵位、落單到比錢都可以自己一手一腳搞掂晒，絕對適合啲一個人食飯怕尷尬既朋友😅雖然叫鍋物但外賣兜上好頹😂味道正正常常🐷特別鐘意佢啲豆腐好入味，啲娃娃菜又煮到好淋，就算係外賣兜都真係有啲鍋物既feel.#北海道3點6牛乳芝士雞肉鍋 $44💭 鐘意食芝士既朋友要試下呢個，一上枱見到好大pat芝士係面頭🧀️有啲卡邦尼既味道，入面有粟米🌽有鳴門卷🍥當日有半價優惠，所以覺得份量同味道完全對得起價錢，但如果正價返🐷就覺得唔值喇😅.#白桃四季春 $14.#觀塘美食 #🐷在觀塘 #荔枝角美食 #🐷在荔枝角 #鰂魚涌美食 #🐷在鰂魚涌 #中環美食 #🐷在中環 #九龍灣美食 #🐷在九龍灣 #🐷_食

上星期想食日本菜，係openrice 揾到呢間係觀塘嘅日本餐廳😁呢間餐廳係日式丼飯專門店，可以外賣亦都可以堂食😙可以用手機自助落單順便比埋錢，好方便👍🏽落完order 冇耐就可以拎得，好適合附近番工嘅上班族。佢個menu都幾多選擇，好多唔同款的丼飯同埋各樣的日式小食😽等外賣途中去店內等，餐廳環境都好舒適，店員都好nice🤗🔻▪️青芥末手撕雞薄餅卷 $72呢個係凍食，一切果時啲餡同汁都爆曬出黎，勁足料，入面有手撕雞、蕃茄同菜，平時番工咁想食飯都可以食呢個當輕食，感覺好健康！🔻▪️滑蛋和風牛丼 $78見到佢嘅滑蛋飯好吸引，所以叫左個試下，果然好正！啲蛋好滑嫩，每塊牛肉都勁大塊，配埋洋蔥更加香，撈埋可以食曬碗飯！🔻▪️胡麻手撕雞丼 $78呢個飯好出色，手撕雞勁多，配埋麻醬同青瓜，感覺好清新🔻▪️磯燒魷魚天婦羅 $42呢個小食好抵食，份量好多，同埋好香口好好味，佢係配埋沙律醬，點黎食好正🔻▪️榴蓮炸彈 $42/4粒榴蓮愛好者必試呀，出面炸到好脆，入面嘅榴蓮餡好似流心咁，榴蓮味勁濃，超正！🔻又發掘到一間工廈美食，同朋友食完佢都話好味😋

最近發掘到觀塘駱駝漆大廈入面有間日式丼飯專門店大部份丼飯都係$44勁抵食又夠高質，超讚呀💯除咗有多款日式丼飯選擇亦有各式日式小食喔！-🍛日式咖喱豬扒蛋蓋飯（$44）超級足料大份❣️豬扒炸得金黃香脆雞蛋煎得啱啱好，好滑嫩🥚搭配香甜嘅日式咖喱醬汁真係白飯都可以食多幾碗呀😫🍲壽喜燒牛肉鍋配飯（$44）牛肉大塊有咬口肉質柔軟壽喜燒汁味道濃郁得嚟鹹甜度適中👍🏻撈埋啲飯落去吸晒啲汁一齊食，好正😋配料仲好豐富有金菇、海帶、日式魚蛋等CP值堅高❤️‍🔥🥢榴槤炸彈（$42）推介各位榴槤迷一定要食❣️外層金黃酥脆口感好似食緊煎埋💕咬落去卜一聲入面滿滿嘅榴槤餡流出嚟味道濃郁，香甜不膩一個人食晒四粒好味到覺得未夠喉呀🙊🦑磯燒魷魚天婦羅（$42）好少食到用魷魚做嘅天婦羅幾有新鮮感呀😍外層炸粉薄身酥脆咬落爽脆Q彈口感好豐富！配搭黑椒蛋黃醬，幾特別呀💕🥤蜜香紅茶/白桃四季春（$14@枝）冷泡茶系列一共有4款蜜香紅茶有濃郁紅茶香白桃四季春味較清爽富自然白桃果香🍑適合鍾意清淡茶味嘅朋友仔呀！

一間完全唔會理你落單remark留乜既餐廳, 已經唔係第一次, 反映完都係一樣, 完全我行我素, 就算當面reconfirm 完先拎餐都係一樣, 根本就係求其hea 走你就算

所有嘢都好好，唯獨係唔知點解塊芝士係連個包裝一齊落⋯⋯⋯？咁烏冬份量都好足夠，女朋友食嘅鰻魚丼都好足料，鰻魚肥得嚟又好食，飯夠汁。各方面都好⋯ 但真心希望留意下⋯係真係會連膠包裝一齊落？

上星期同小朋友0係觀塘工廈開party, 打算近近地搵間餐廳食晚飯，唔想去咁遠。見到OpenRice呢間餐廳評價唔錯，於是乎就黎試下。一入到去，不位靚女已經等緊我地，仲好歡迎我地，又問冷氣夠唔夠，又教我地用QR code落單。坐低等食物時，靚囡拎左兩杯點品請小朋友食，一人一杯，我兩個小朋友開心到爆。先講餐廳環境，餐廳一系列裝飾都以木材為主，簡單得來令人坐得舒服，坐落仲有陣陣清新香味。好啦，至於食物呢，我地點左咖啡豬扒飯，蕃茄牛肉鍋同饅魚飯，加左罐汽水。咖哩豬扒炸到金黃脆口，好味。兩個小朋友就食蕃茄牛肉鍋，湯底濃郁惹味，餸飯一流。而個饅魚飯就一般，有骨既，不過呢個價錢絕對對得住。三個飯加汽水，埋單先百三蚊左右，真係抵食夾大件。最重要係超有服務，抵讚，下次再來觀塘一定會再黎食！

雖然觀塘番工真係好逼人 不過向好個方面睇 真係有好多餐廳👅 呢間外賣店位於駱駝漆大廈 一樣有好多款食物選擇架🙌🏻今次就試左北海道3.6牛乳芝士豚肉鍋烏冬同麻醬手撕雞撈烏冬🤤 北海道3.6牛乳芝士豚肉鍋烏冬真係超足料 湯底奶白濃郁👍🏻 入面有大量蛙蛙菜 豚肉 粟米等材料 好味😋 麻醬手撕雞撈烏冬烏冬彈牙 有好多雞肉同青瓜絲 撈麻醬無得輸👅另外 我哋仲叫左2個小食 分別係日式炸餃子同磯燒魷魚天婦羅🍤 2款都熱辣辣香脆可口 最特別嘅係磯燒魷魚天婦羅配左一個黑椒蛋黃醬 都幾好食架🌟

地址－町町丼丼觀塘開源道62號駱駝漆大廈2座10樓A室💋韓式部隊鍋(配烏冬)，居然部隊鍋可以外賣，咁我就當然叫黎試下啦，佢都好貼心地將烏冬同湯分裝，就算路途再遙遠都好，都唔怕會浸到漲晒，值得一讚，佢D配料方面同平時所見的都會出現，都係會有茄汁豆，腸仔，午餐肉等，最正係佢D牛糕煙煙韌韌咁，而且佢個湯底夠辣，所以食得好滿足，配埋D彈牙嘅烏冬，令人不禁咁食左唔少，嘻。💋汁燒鰻魚丼，佢比的鰻魚都唔算細條，食落冇細骨，唔錯，我好怕鰻魚有D細骨，所以我平時都食食得格外小心，佢魚質爽滑，佢D鰻魚汁比得好慷慨，配埋鰻魚一齊食，勁正，佢D珍珠飯索晒D鰻魚汁，好好送飯。💋磯燒魷魚天婦羅配黑椒蛋黃醬，呢個一開蓋時就有陣紫菜味薯片的香味噗鼻而來，佢比數量都唔少，佢個表層有D紫菜碎，食落唔錯，而佢裡面的魷魚勁彈牙，蘸埋佢個黑椒蛋黃醬，帶一點香辣，正。💋榴槤炸彈(4粒)，真係估唔到外賣都有得揀榴槤炸彈，朋友同我都係榴槤的狂熱份子，咁當然叫黎食啦，仲使講咩！佢就算拎到回家都仲保持住外脆內煙韌的口感，一咬開就有榴槤餡咇出黎，勁正！