大喜屋

營業中

休息中

今日約咗朋友沙田食飯，朋友話想食放題, 第一時間 諗到大喜屋， 之前食過其他大喜屋分店 覺得唔錯今次試下沙田大喜屋。我哋約咗五點半， 大喜屋門口已經好多人排隊等住入咗， 未到六點半已經全場滿座， 不愧係人氣放題。熱食、冷盤、前菜、 刺身， 火焰壽司、 創意壽司、 手捲， 甜品 、雪糕、 冷熱飲品應有盡有。 多款刺身選擇， 我自己最鍾意蝦類同貝類嘅刺身， 帆立貝壽司大大粒， 肉質厚實入口柔滑，俄羅斯甜蝦質地細膩， 鮮甜美味。焦糖牛奶鵝肝壽司：鵝肝外脆內軟質感綿密順滑，焦糖嘅甜味與鵝肝嘅鹹香完美配合， 令我忍唔住食完一件又一件。朋友好鍾意食呢度嘅咖哩大頭蝦， 咖哩醬汁濃郁 夠辣夠香， 大大隻肉質鮮甜爽彈。川味燒鮮蠔：即叫即燒，上到枱熱辣辣脹卜卜，加上特制蒜蓉調味， 先甜惹味香氣四溢。佢哋嘅甜品都好出色， 每款都細細件可以試多款唔同口味 ，馬卡龍外脆內軟甜絲絲， 焦糖燉蛋質感絲滑甜而不膩。雪糕仲有我最愛嘅häagen-dazs添，雪糕我都食咗兩杯， 超滿足。