影片
更多
2023-05-24
232 瀏覽
平時打邊爐都係任食放題嗰種，好少會散嗌，今次見呢間火鍋店可以散叫唔同牛肉嘅部位，諗住試一試又幾有驚喜！呢間舖頭有好多分店，最主要都係食牛肉，好似啲現切牛肉火鍋咁，有唔同部位可以自己選擇，唔同國家嘅牛品種都試到，幾十蚊真係好抵玩！每款都好新鮮牛味濃郁，而且價錢幾十蚊就有一大碟，小店唔使收加一，真係好高質，超抵食，叫多幾款都得！而家餐廳提供信州和牛，又係唔洗一百就試到，仲要有稀有部位可以揀，油脂豐富肉味超香濃！店內其他牛品種嘅部位都分得好細，比較罕有嘅部位好似吊龍伴、五花趾佢都有齊，各位愛牛之人絕對值得過嚟試一試，細細品嚐唔同品種嘅牛肉！------------------------------🌟◖牛雜鍋◗ $82佢呢度竟然有牛雜鍋底可以揀，火鍋黎講真係比較少見！牛雜湯底幾足料每樣都大大嚿，牛膀、牛肺、牛腸、牛肚同埋白蘿蔔都齊晒，而且煮得軟腍又入味，一鍋兩食，有牛雜食又可以打邊爐，性價比極高！🥩◖信州和牛赤身◗ $78呢間火鍋竟然有和牛食，而且價錢唔貴！信州和牛油花豐富分布得均勻，牛油脂肪好甘香，細細塊咁食，食完都唔會覺得好油膩！🥩◖熟成加拿大牛肩脊◗ $58加拿大牛肩脊經過熟成之後，食
而家餐廳提供信州和牛，又係唔洗一百就試到，仲要有稀有部位可以揀，油脂豐富肉味超香濃！店內其他牛品種嘅部位都分得好細，比較罕有嘅部位好似吊龍伴、五花趾佢都有齊，各位愛牛之人絕對值得過嚟試一試，細細品嚐唔同品種嘅牛肉！
------------------------------
🌟◖牛雜鍋◗ $82
佢呢度竟然有牛雜鍋底可以揀，火鍋黎講真係比較少見！牛雜湯底幾足料每樣都大大嚿，牛膀、牛肺、牛腸、牛肚同埋白蘿蔔都齊晒，而且煮得軟腍又入味，一鍋兩食，有牛雜食又可以打邊爐，性價比極高！
🥩◖信州和牛赤身◗ $78
呢間火鍋竟然有和牛食，而且價錢唔貴！信州和牛油花豐富分布得均勻，牛油脂肪好甘香，細細塊咁食，食完都唔會覺得好油膩！
🥩◖熟成加拿大牛肩脊◗ $58
加拿大牛肩脊經過熟成之後，食落肉味更香濃，脂肪量唔算太多，肉質都幾軟腍～
🥩◖安格斯橫膈肌◗ $48
個人覺得咁多樣裏面，呢樣最好食！安格斯牛本身牛味好濃，加上佢係橫膈肌部位，瘦得嚟又軟腍，仲有少少筋膜，咬落都幾爽脆！
🥩◖加拿大艾伯塔嫩池板◗ $48
呢個部位比較少聽到，都係第一次試，肉質係比較瘦嗰種，都值得一試～
🥩◖英國安格斯牛前胸肋◗ $58
呢個係全場第二名，肉質偏瘦帶有少量嘅油脂，肉味幾濃郁！
🥩◖匙柄◗ $48
平時食現切牛覺得最好食嘅部位，亦係每次必食，今次都唔例外試一試佢，反而感覺有啲比下去～肉質偏瘦幾軟，但肉味比其他部位嘅牛肉稍為遜色～
🥟◖雙拼牛肉餃◗ $50
有原味牛肉餃同麻辣牛肉各三隻。原味牛肉餃食落去好濃郁嘅肉味，冇咩肥肉夾雜住；麻辣牛肉餃裏面落咗花椒同埋辣椒，麻辣嘅後勁做得幾好，味道偏辣，略微蓋過咗啲牛味～
🥬◖水蓮◗ $28
佢呢度竟然有水蓮可以叫，而且價錢唔貴！煮完之後索咗啲湯汁，口感爽脆清甜！
🍜◖鮮制手打烏冬◗ $18
呢隻烏冬係616同製麵廠合作研發嘅手工稻庭風烏冬，用咗日本進口麵粉，帶有淡淡麵粉嘅清香，麵條比較幼身，麵質有嚼勁，口感幾嫩滑！
🌟 Encore指數：9/10
張貼
