影片
更多
2023-01-27
151 瀏覽
將軍澳人有口福喇🥳 一直都覺得區內無咩高質泰菜，呢排先發現原本係尖沙咀既「泰斗」係坑口開左分店，真係相逢恨晚🥹 平日夜晚黎到都好快滿座，睇黎好受街坊歡迎~ 大家黎之前記得訂座呀！餐廳環境靚，地方闊落，有唔少大枱坐到6-8人，難怪咁多一家大細黎捧場！Menu選擇超豐富，幾十頁紙圖文並茂，款款都咁吸引😍 種類包括沙律﹑小食﹑串燒﹑湯﹑海鮮﹑咖哩﹑主菜﹑時菜﹑河粉﹑炒飯﹑素菜﹑甜品，價錢合理。我地3個人叫左以下菜式，每款都足料大碟，高質又抵食，非常推介🫶🏻♢ 燒豬頸肉沙律 $98裝到滿滿一碟沙律豬頸肉份量超多，CP值極高！豬頸肉燒得好香口，唔會太韌，配上秘製泰式醬油辣辣地，清新又醒胃。♢ 串燒沙嗲豬(2串) $32即叫即燒，熱辣辣送上♨️ 豬肉燒到肉嫩多汁，仲有D焦香味，勁正！豬肉本身都有調味過，加埋沙嗲醬甜甜地唔會辣，夠哂香口惹味~♢ 泰式香燒雞(半隻) $138招牌菜必點✨ 餐廳即叫即燒，需時20分鐘製作~ 耐心等待係值得架！雞皮燒至金黃色，雞皮香口脆身，仲有陣陣炭燒焦香味~ 最正係可以燒到保持肉質嫩滑，香味令人齒頰留香！♢ 泰式椰青海鮮焗飯 $138原個巨型椰青送上，賣相超IG-able
餐廳環境靚，地方闊落，有唔少大枱坐到6-8人，難怪咁多一家大細黎捧場！Menu選擇超豐富，幾十頁紙圖文並茂，款款都咁吸引😍 種類包括沙律﹑小食﹑串燒﹑湯﹑海鮮﹑咖哩﹑主菜﹑時菜﹑河粉﹑炒飯﹑素菜﹑甜品，價錢合理。我地3個人叫左以下菜式，每款都足料大碟，高質又抵食，非常推介🫶🏻
♢ 燒豬頸肉沙律 $98
裝到滿滿一碟沙律豬頸肉份量超多，CP值極高！豬頸肉燒得好香口，唔會太韌，配上秘製泰式醬油辣辣地，清新又醒胃。
♢ 串燒沙嗲豬(2串) $32
即叫即燒，熱辣辣送上♨️ 豬肉燒到肉嫩多汁，仲有D焦香味，勁正！豬肉本身都有調味過，加埋沙嗲醬甜甜地唔會辣，夠哂香口惹味~
♢ 泰式香燒雞(半隻) $138
招牌菜必點✨ 餐廳即叫即燒，需時20分鐘製作~ 耐心等待係值得架！雞皮燒至金黃色，雞皮香口脆身，仲有陣陣炭燒焦香味~ 最正係可以燒到保持肉質嫩滑，香味令人齒頰留香！
♢ 泰式椰青海鮮焗飯 $138
原個巨型椰青送上，賣相超IG-able🥥 海鮮配料豐富，有蝦肉﹑青口﹑魷魚，仲有唔少切好既椰子絲~ 炒飯粒粒分明，帶有椰香味，口感好似加熱版既「芒果糯米飯」，好開胃！碟邊仲配有肉鬆同腰果，送飯一流！
♢ 芒果糯米飯 $68
飯後當然唔少得泰式甜品~ 糯米飯砌成心型形狀 so sweet💓 同椰汁cream簡直係絕配！芒果份量都好多~ 香甜可口。
♢ 芒果沙冰 $48
呢杯沙冰真係超巨型，一個女仔絕對飲唔哂！沙冰打得好碎，芒果味濃郁🥭 唔似人造糖漿咁甜，唔錯~
♢ 凍泰式奶茶 $32
紅茶味夠出，有泰式奶茶味道又唔會太甜~ 入口香滑，正！
張貼
