漁正居酒屋

營業中

休息中

放工想同朋友傾下計飲下酒，係OpenRice 見到呢間居酒屋食評不錯，離地鐵站超近又做緊折扣，所以就決定係呢度食晚餐。黎到居酒屋當然要飲返兩杯，開左支細既柚子味酒兩份分，酒味不重，幾好味又有日本風味，酒量輕既都可以一試。前菜叫左洒盜芝士同雞泡魚干。第一次食呢種芝士，好味！味道是先鹹後甜，好有層次，正。雞泡魚干就比較乾一點，伴酒不錯。刺身就有縞池同赤貝，兩樣都好鮮甜，真心不錯。越食越開胃，所以都叫左唔少熟食。包括有——燒油甘魚胶 — 平時我好中意食油甘魚，不過未試過吃燒既魚頭。魚肉比較嫩滑，又幾好味。野菜天扶良 — 初頭諗住叫啲菜中和下吃咁多肉，點知原來野菜仲包括有粟米🌽 好甜好好味。串燒 — 牛舌、雞軟骨、雞皮、雞翼。串燒整體都不錯，不會燒到太乾或太咸。牛舌比平時食過的好食。另外仲叫左清酒煮蜆、燒和牛同稻庭烏冬，味道都不錯。吃完就飽了。是滿足的一晚。