茶聊

營業中

休息中

約咗朋友喺旺角食晏，朋友仔推介呢間茶聊，佢話因為呢間餐廳好多款嘢飲。我叫咗金蒜牛油煎海蝦配鹹蛋黃忌廉手工意大利粉，嘢飲揀咗杯買相勁靚嘅茶聊熊仔摩卡咖啡。我朋友就叫咗美國穀飼豬扒伴薯蔬配牛肝菌汁，嘢飲就叫咗超級水果茶。我自己嗰份意粉，開頭都好擔心鹹蛋黃忌廉食落會好膩，但最後味道ok，唔會太Heavy，手工製意粉亦都好彈牙。而我杯摩卡咖啡賣相勁得意，仲可以自己到咖啡落隻熊仔度，不過好咖啡嘅時候好容易倒瀉出嚟。甜品係另外一個胃，我同朋友都係抹茶控，我哋叫咗一份宇治抹茶忌廉牛油千層酥配雪糕。千層酥係而家好興各款酥皮麵包，食得出一層層麵包，整體都唔甜。下次有機會再嚟應該會試其他嘢飲。