影片
更多
2021-05-25
12970 瀏覽
呢日去咗一間專食素食自助餐嘅樂園素食試下佢嘅晚市自助餐，雖然坊間而家都多咗唔少素食選擇，但係呢度無論食物款式、味道或者同肉嘅像真度都特別出色🤩睇得出花咗好多心思❤️想吸引平時唔係食素嘅人去食下素，炸物、壽司、中式小菜、串燒、沙律、飯麵、甜品、飲品應有盡有，好多款都好食😋😋唔會有邊款有伏，食完嘅滿足感令到我完全唔為意冇食到肉🤣好適合初嘗素食嘅人士，而且性價比極高，weekday晚市都只係$168就可以任食90分鐘。因為自助餐嘅關係，我對於防疫措施特別concern，呢度每次出去攞嘢食都要戴口罩仲有對膠手套，感覺安心好多👍🏻👍🏻冰鎮咕嚕肉、原盅燉湯呢2款係每枱坐底嘅時候就會贈送一客，咕嚕「肉」個排場好犀利咁，原本以為冰鎮只係啲門面花巧嘢，其實背後充滿心思，因為啲冰令到個皮更脆，上菜時即刻食仲食到入面熱外面凍嘅雙重層次，如果放耐啲，外皮更加脆卜卜，口感仲正過出面真正嘅咕嚕肉🥳🥳醬汁酸酸甜甜好開胃，入面就包住雞髀菇，食落都幾有肉嘅厚實感。個燉湯放咗滿滿材料，有蟲草花、姬松茸、圓肉仲有腰果，原盅燉製超過3個鐘，飲落好清甜。炸物小食類呢度嘅炸物同天婦羅有好多款式，最吸引我眼球嘅係「吉列豬扒」🤣樣貌超
冰鎮咕嚕肉、原盅燉湯
呢2款係每枱坐底嘅時候就會贈送一客，咕嚕「肉」個排場好犀利咁，原本以為冰鎮只係啲門面花巧嘢，其實背後充滿心思，因為啲冰令到個皮更脆，上菜時即刻食仲食到入面熱外面凍嘅雙重層次，如果放耐啲，外皮更加脆卜卜，口感仲正過出面真正嘅咕嚕肉🥳🥳醬汁酸酸甜甜好開胃，入面就包住雞髀菇，食落都幾有肉嘅厚實感。個燉湯放咗滿滿材料，有蟲草花、姬松茸、圓肉仲有腰果，原盅燉製超過3個鐘，飲落好清甜。
炸物小食類
呢度嘅炸物同天婦羅有好多款式，最吸引我眼球嘅係「吉列豬扒」🤣樣貌超級超級像真，連入面啲纖維紋路都同真嘅豬扒冇分別，好犀利！食落外面香脆，入面口感都同真嘅豬扒有9成相似，另外嘅麥樂雞又係同真肉好似，真係要講返句難分真與假～🎵天婦羅就試咗秋葵，炸完之後冇晒啲潺都唔錯，另外pizza都幾好食，面頭放咗好juicy嘅菠蘿💦
壽司
壽司都有素食版本！造型幾得意，有素鮑片、三文魚、吞拿魚、魷魚同卷物，魚生係用蒟蒻製成，食落都還原到魚生嘅口感😆點咗wasabi豉油之後同真嘅壽司又幾似喎！個壽司飯都唔錯唔會太散太黏。
熱盤類
熱盤其中嘅沙爹「牛肉」粉絲好惹味，同出面食差唔多，其中咖喱魚蛋蘿蔔估佢唔到好有驚喜喎！魚蛋雖然無魚，但係口感神還原咗魚蛋嘅彈牙感🍢仲比起好多坊間嘅魚蛋更彈，原來係用咗豆類同蒟蒻製成，加埋咖喱汁好惹味。另外熱盤仲有好多炒菜、飯、麵、粥、中湯、豆類等等，不過個胃就裝唔落喇😂😂
串燒、沙律、冷盤
串燒都有幾款，用咗個保溫櫃裝住keep住暖暖地，有菠蘿、冬菇、青椒等，每日仲會供應一款素肉，呢日就係羊肉，面頭加咗咖哩粉令到個味道真係幾似羊肉，好香口。另外仲有沙律吧可以自己配搭，仲有幾款冷盤例如雲耳同青瓜等經典小食。
甜品糖水
甜品款式都有好多，小丸子、炸南瓜餅、炸芋泥球、炸香蕉都有，都係煙煙靱靱，味道香甜。另外仲有一大鍋芋頭西米露，落咗好多芋頭粒，食落夠粉又夠香，雖然已經飽到一個點都忍唔住飲返碗🤣
飲品
飲品都係一啲健康養生但又容易令人接受嘅款式，包括豆漿、洛神花檸檬水、羅漢果水等，係自助餐飲呢啲咁天然清甜嘅飲品就啱晒，大大減低飽滯感。
人均消費：$168
推介指數（10分為滿分）：9分
張貼
