影片
更多
2023-03-22
109 瀏覽
如果講起高級日本料理，大家好自然都會諗起Omakase～究竟廚師發板有啲咩食，邊間好食呢？今日就推介心一影比大家～1️⃣Amai⭐️⭐️⭐️⭐️一坐低首先飲杯mocktail 濕濕喉先～Amai 有淡淡嘅蜜糖甜味同蘋果香，落埋支肉桂落去攪拌下，味道更有層次；另一杯Lady time 主要係raspberry soda，唔會太濃味，清清地啱晒女士，又唔會影響左味覺～2️⃣水母/螢光魷魚⭐️⭐️⭐️⭐️⭐️先嚟一度醒胃前菜，用咗醋浸嘅水母酸酸地特別開胃，咬落非常爽口彈牙。螢光魷魚肉質好滑，非常鮮甜，師傅特別炮製灼一灼即起，保持海鮮甜味。入面有種似蟹膏蝦膏嘅味，十分甘香😋3️⃣鹽漬蟹膏/鮟鱇魚肝⭐️⭐️⭐️⭐️⭐️毛蟹肉配襯住鹽製過嘅蟹膏，口感非常豐富，海鮮愛好者嘅芳心必定被毛蟹嘅鮮甜俘虜～魚肝比較似鵝肝嘅甘香，入口即溶魚肝油瀉出，再以黑七味調味有少少辣，大大件食到停唔到口🤤4️⃣壽司⭐️⭐️⭐️⭐️⭐️拖羅同埋吞拿魚葱茸手卷好食到欲罷不能！縞蝦、海膽亦都好新鮮，表面上睇落平平無奇嘅飯，其實都金雕玉砌，有啲就落左少少柚子，有唔同口味，好有心思～總括而言，每一道菜既有賣相，用料亦都上乘，絕對係一種高級享受～其他料理好似右口魚、海鰻、金目鯛等都非常
1️⃣Amai⭐️⭐️⭐️⭐️
一坐低首先飲杯mocktail 濕濕喉先～Amai 有淡淡嘅蜜糖甜味同蘋果香，落埋支肉桂落去攪拌下，味道更有層次；另一杯Lady time 主要係raspberry soda，唔會太濃味，清清地啱晒女士，又唔會影響左味覺～
2️⃣水母/螢光魷魚⭐️⭐️⭐️⭐️⭐️
先嚟一度醒胃前菜，用咗醋浸嘅水母酸酸地特別開胃，咬落非常爽口彈牙。螢光魷魚肉質好滑，非常鮮甜，師傅特別炮製灼一灼即起，保持海鮮甜味。入面有種似蟹膏蝦膏嘅味，十分甘香😋
3️⃣鹽漬蟹膏/鮟鱇魚肝⭐️⭐️⭐️⭐️⭐️
毛蟹肉配襯住鹽製過嘅蟹膏，口感非常豐富，海鮮愛好者嘅芳心必定被毛蟹嘅鮮甜俘虜～魚肝比較似鵝肝嘅甘香，入口即溶魚肝油瀉出，再以黑七味調味有少少辣，大大件食到停唔到口🤤
4️⃣壽司⭐️⭐️⭐️⭐️⭐️
拖羅同埋吞拿魚葱茸手卷好食到欲罷不能！縞蝦、海膽亦都好新鮮，表面上睇落平平無奇嘅飯，其實都金雕玉砌，有啲就落左少少柚子，有唔同口味，好有心思～
總括而言，每一道菜既有賣相，用料亦都上乘，絕對係一種高級享受～其他料理好似右口魚、海鰻、金目鯛等都非常出色，不能盡錄，推介大家心動不如行動，親身試一試呢間餐廳🤩
張貼
