井巷子 by 鋒膳 (已結業)

今日到左井巷孑同朋友食晚飯，感覺餐廳服務態度好好，尤其經理會逐道菜作出詳細講解，同我哋講吓啲歷史仲教埋我哋點樣食某啲食物。第一道前菜係麻辣鮑鱼手撕雞（南非孔准鮑 新鮮三黄雞），呢道菜就咁睇好似好普通，但係佢做得最出色係佢嘅麻辣感覺，令人覺得好開胃同埋三黃雞食出嚟好嫩。第二道菜係脆皮茅台乳鴿，佢乳鴿係配咗三隻醬，味道就普通左少少，冇左茅台嗰浸酒味。主菜有川辣生炒羊肉鬆拌荷葉餅（英國乾熟成羊肉），經理好好覺得我哋成枱人冇咩經驗食呢道菜，親自示範點樣食，仲貼心到每個客人送一張小冊子入面有齊點樣食呢味菜同埋呢味菜嘅材料簡介，睇得出餐廳嘅用心。而我哋又飲咗白胡椒山藥雪蓮子班骨湯，呢個湯就一般啦，好彩佢又唔加味精。麻婆嫩豆腐伴炸饅頭係另一主菜，都吸引嘅，但提議大家去到嗰邊記住同餐廳嗌一碗白飯，就會入晒麻婆豆腐嘅味。重慶水煮黑白牛肉（新鲜騙牯牛 牛胸爽 牛柳心)係咁多個主菜入邊最好食嗰樣，就咁食白牛肉嗰陣覺得好爽口，就咁睇差啲以為自己食緊酸菜魚，但係白牛肉又好香口爽脆，配返正常嘅黑牛肉有好大對比。麻辣蒜香小龍蝦麵(西班牙金星啤酒 活小能蝦 手做風乾麵）到呢個主菜唔使我多講，小龍蝦就其實間間餐廳一模一