影片
更多
2023-12-18
14 瀏覽
🍊 餐廳名稱：麻辣風雲(旺角) 🐝 味道：7.5/10環境：8/10整體分數：7.5/10💰人均：$150~250———————————————————川菜真係大部分香港人都喜歡，之前去過一次荃灣鋪，今次就去左位於旺角既分店。荔枝蝦球 💰68 (限定價)今次叫左佢地既新菜式，造型上好似荔枝但實質係炸蝦球。外面脆口，仲會附埋個甜酸醬一齊食。而且上枱極為浮誇，底下仲要有啲乾冰營造效果，具有非常好既打卡作用！拔絲咕嚕肉💰148另一個打卡菜，上面係一絲絲既糖，底下就係咕嚕肉。食落去甜酸味道好足，咬落去啖啖肉好爽！葱花豬油撈飯💰32豬油撈飯真係唔係到到有，所以即刻叫返碗黎食！最好既係豬油同豉油係分開上俾自己落，岩晒每個人既口味！黑糖脆炸糍粑 💰58食川菜點少得糍粑，外脆內煙韌，好味！水蜜桃雜果茶 💰88我本身以為係一杯黎，點知原本係一座座。好好飲水蜜桃味好出，仲有其他生果配料！🗺️旺角彌敦道628號瓊華中心10樓 🔍#FlavorforToday旺角🚆 旺角站E2出口
味道：7.5/10
環境：8/10
整體分數：7.5/10
💰人均：$150~250
———————————————————
川菜真係大部分香港人都喜歡，之前去過一次荃灣鋪，今次就去左位於旺角既分店。
荔枝蝦球 💰68 (限定價)
今次叫左佢地既新菜式，造型上好似荔枝但實質係炸蝦球。外面脆口，仲會附埋個甜酸醬一齊食。而且上枱極為浮誇，底下仲要有啲乾冰營造效果，具有非常好既打卡作用！
拔絲咕嚕肉💰148
另一個打卡菜，上面係一絲絲既糖，底下就係咕嚕肉。食落去甜酸味道好足，咬落去啖啖肉好爽！
葱花豬油撈飯💰32
豬油撈飯真係唔係到到有，所以即刻叫返碗黎食！最好既係豬油同豉油係分開上俾自己落，岩晒每個人既口味！
黑糖脆炸糍粑 💰58
食川菜點少得糍粑，外脆內煙韌，好味！
水蜜桃雜果茶 💰88
我本身以為係一杯黎，點知原本係一座座。好好飲水蜜桃味好出，仲有其他生果配料！
🗺️旺角彌敦道628號瓊華中心10樓
🔍#FlavorforToday旺角
🚆 旺角站E2出口
張貼
